બેંગલુરુ : વિમાનમાં ઉડાન દરમિયાન પ્રવાસીઓ સાથે ગેરવર્તણૂક અને સુરક્ષા નિયમોના ઉલ્લંઘનના સમાચાર ખૂબ વધી ગયા છે. કર્ણાટકની રાજધાની બેંગલુરુમાં એક નવો મામલો સામે આવ્યો છે. જ્યાં એક પ્રવાસીએ ફ્લાઈટની વચ્ચે પ્લેનના ટોઈલેટમાં સિગારેટ પીવા માટે લાઈટરનો ઉપયોગ કરવાનો પ્રયાસ કર્યો હતો. આ ઘટના શનિવારે આસામથી બેંગલુરુ જતી ઈન્ડિગોની ફ્લાઈટ દરમિયાન બની હતી. આરોપી પ્રવાસીની ઓળખ 20 વર્ષીય સેરી ચૌધરી તરીકે થઈ છે.
આરોપીને બેંગલુરુમાં પોલીસને સોંપવામાં આવ્યો : મીડિયામાં ઉપલબ્ધ માહિતી અનુસાર, આરોપીને બેંગલુરુમાં પોલીસને સોંપવામાં આવ્યો હતો. પોલીસે તેને કોર્ટમાં રજૂ કર્યો હતો. જ્યાંથી તેને જ્યુડિશિયલ કસ્ટડીમાં સેન્ટ્રલ જેલમાં મોકલી આપવામાં આવ્યો હતો. કહેવામાં આવી રહ્યું છે કે, આરોપી પોતાની સીટ પરથી ઉઠ્યો અને ફ્લાઈટની વચ્ચે ટોઈલેટમાં ગયો હતો. તે અંદર હતો ત્યારે પ્લેનમાં ફાયર એલાર્મ વાગવા લાગ્યું હતું. એરક્રાફ્ટના ક્રૂ મેમ્બર્સે તેને દરવાજો ખોલવાનું કહ્યું, ત્યારે તેની પાસેથી સિગારેટ અને લાઈટર મળી આવ્યું હતું.
આ પણ વાંચો : IMD prediction : IMD એ આગાહી કરી છે કે આગામી 3 કલાકમાં ચેન્નાઈના ભાગોમાં હળવા વરસાદની શક્યતા
બેંગમાં સિગારેટ અને પેન્ટના ખિસ્સામાં લાઇટર છુપાવી દીધું હતું : બાદમાં ઈન્ડિગોના અધિકારીઓએ પોલીસને ઘટના અંગે જાણ કરી હતી. જણાવવામાં આવ્યું હતું કે, આરોપી આસામનો રહેવાસી છે. તેમનું ઘર આસામના કચરના ગોવિંદપુરા ગામમાં છે. તેમના પર IPC અને સિવિલ એવિએશન એક્ટ, 1982 હેઠળ કાયદાકીય કલમો લગાવવામાં આવી છે. જેમાં અન્ય પ્રવાસીઓનો જીવ જોખમમાં મુકવાનો આક્ષેપ પણ કરવામાં આવ્યો છે. તેના આરોપીએ કહ્યું કે, બોર્ડિંગ પહેલા જ તેના બેંગમાં સિગારેટ અને પેન્ટના ખિસ્સામાં લાઇટર છુપાવી દીધું હતું. તેણે તેને એટલી હોશિયારીથી છુપાવી હતી કે ચેકિંગ દરમિયાન સુરક્ષા અધિકારીઓ તેને જોઈ શક્યા ન હતા.
આ પણ વાંચો : Elephant dies: તમિલનાડુમાં વીજ કરંટથી હાથીનું મોત, જુઓ ચોંકાવનારો વીડિયો
