Explosive Material Smuggled : આસામના કછારમાં મોટી માત્રામાં વિસ્ફોટકો જપ્ત, મણિપુર લઇ જવાતા હતાં?

આસામના કછારમાં મોટી માત્રામાં વિસ્ફોટકો જપ્ત કરવામાં આવ્યાં છે. આશંકા વ્યક્ત કરવામાં આવી છે કે આ મણિપુર લઇ જવાતા હતાં. સુરક્ષા દળોએ ચેકિંગ દરમિયાન જિલેટીનના 200 પલ્સ અને 200 ડિટોનેટર ઝડપી લીધાં હતાં. જોકે આ વસ્તુઓ લઇ જઇ રહેલા બે શખ્સો ફરાર થઇ ગયાં હતાં.

તેજપુર : ઉત્તર પૂર્વના નાનકડા રાજ્ય મણિપુરમાં સ્થિતિ હજુ પણ તંગ છે. રાજ્યમાં દરરોજ વિદ્રોહીઓ અને સુરક્ષા દળો વચ્ચે અથડામણ થઇ રહેલી જોવા મળે છે. દરમિયાન, હિંસાગ્રસ્ત રાજ્યમાં વિસ્ફોટકો સપ્લાય કરવામાં આવ્યા છે. આસામના કછાર જિલ્લામાંથી મણિપુરમાં મોકલવામાં આવી રહ્યાં હોય તેવી આશંકા સાથે દાણચોરીની શંકાસ્પદ વિસ્ફોટક સામગ્રીનો મોટો જથ્થો જપ્ત કરવામાં આવ્યો છે.

વિસ્ફોટકો જપ્ત : વિશેષ સૂત્રોના આધારે સુરક્ષા દળોએ ચેકિંગ દરમિયાન જિલેટીનના 200 પલ્સ અને 200 ડિટોનેટર જપ્ત કર્યા હતા. સૂત્રોએ વધુમાં જણાવ્યું હતું કે મણિપુરના રસ્તે કછારમાંથી વિસ્ફોટકો મોકલવામાં આવ્યાં હતાં જેને જપ્ત કરવામાં આવ્યા હતા.

હિંસા દરમિયાન વિસ્ફોટકોનો વપરાશ : આ તકે ઉલ્લેખનીય છે કે મણિપુરમાં ચાલી રહેલી જાતિગત હિંસા દરમિયાન ઘણા નાગરિકો ઘણી વિસ્ફોટક સામગ્રી અને દારુગોળાનો ઉપયોગ કરતા જોવા મળ્યા છે. પરંતુ વહીવટીતંત્ર પાસે માહિતી નથી કે તેઓએ તે હથિયારો અને વિસ્ફોટકો લોકોએ કેવી રીતે એકત્રિત કર્યા.