મુંબઈ - મહારાષ્ટ્રના નાયબ મુખ્ય પ્રધાન દેવેન્દ્ર ફડણવીસે (Devendra Fadnavis on Bilkis Bano case) મંગળવારે જણાવ્યું હતું કે, બિલ્કીસ બાનો કેસના દોષિતોને સુપ્રીમ કોર્ટના આદેશ બાદ મુક્ત કરવામાં આવ્યા હતા. પરંતુ ગુનાના આરોપી વ્યક્તિને "સન્માનિત" કરવામાં આવે તો તે ખોટું છે. ભંડારા જિલ્લામાં એક 35 વર્ષીય મહિલા પર 3 લોકો દ્વારા કથિત રીતે જાતીય હુમલો કરવામાં આવ્યો હતો તે ઘટના પર વિધાન પરિષદમાં ચર્ચાનો જવાબ આપતા, ફડણવીસે કહ્યું કે, બિલકિસ બાનો મુદ્દો ગૃહમાં ઉઠાવવાનું કોઈ કારણ નથી.
ફડણવીસે કહ્યું, "જે આરોપીઓને 14-20 વર્ષની જેલની સજા કરવામાં આવી હતી, તેઓને સુપ્રીમ કોર્ટના આદેશ (Bilkis bano case supreme court) બાદ મુક્ત કરવામાં આવ્યા, પરંતુ આરોપીઓને મુક્ત કર્યા પછી તેમનું સ્વાગત કરવું ખોટું છે. આરોપી આરોપી છે. કોઈએ તેમને સમર્થન ન આપવું જોઈએ." "ગુજરાતના 2002ના બિલ્કીસ બાનો કેસના દોષિતોને સુપ્રીમ કોર્ટના આદેશને પગલે મુક્ત કરવામાં આવ્યા હતા, પરંતુ જો કોઈ ગુનાના આરોપી વ્યક્તિને "સન્માનિત" કરવામાં આવે તો તે ખોટું છે અને આવા કૃત્ય માટે કોઈ યોગ્યતા હોઈ શકે નહીં," તેમણે ઉમેર્યું.
આ પણ વાંચોઃ અમિતાભ બચ્ચનનો કોવિડ-19 ટેસ્ટ પોઝિટિવ આવ્યો
ગુજરાત સરકારે આજીવન કેદની સજા પામેલા 11 દોષિતોને 15 ઓગસ્ટના રોજ મુક્ત કર્યા હતા. સુપ્રીમ કોર્ટ મંગળવારે 2002ના ગોધરા રમખાણો દરમિયાન બિલ્કીસ બાનો પર ગેંગરેપ કરનાર અને તેના પરિવારના સભ્યોની હત્યા કરનારા 11 દોષિતોને ગુજરાત સરકાર દ્વારા આપવામાં આવેલી માફીને પડકારતી અરજી પર સુનાવણી કરવા સંમત થઈ હતી. બુધવારે એડવોકેટ અપર્ણા ભટ્ટે તાત્કાલિક યાદીની માંગણી કરતા મામલાનો ઉલ્લેખ કર્યા બાદ ચીફ જસ્ટિસ ઑફ ઈન્ડિયા એનવી રમનાની બેંચ આ બાબતને જોવા માટે સંમત થઈ હતી.
આ પણ વાંચોઃ ખુબ જ ઓછા જોવા મળતા કોબ્રા પકડનારનું સાપ કરડવાથી જ મૃત્યુ
કોમ્યુનિસ્ટ પાર્ટી ઓફ ઈન્ડિયા (માર્કસવાદી)ના સભ્ય સુભાશિની અલી, પત્રકાર રેવતી લૌલ અને સામાજિક કાર્યકર અને પ્રોફેસર રૂપ રેખા વર્મા દ્વારા સર્વોચ્ચ અદાલત સમક્ષ અરજી દાખલ કરવામાં આવી હતી. અરજીમાં 11 દોષિતોને માફી આપવાના આદેશને બાજુ પર રાખવા અને તેમની તાત્કાલિક પુનઃ ધરપકડના નિર્દેશનની માંગ કરવામાં આવી હતી.
