નવી દિલ્હી: દિલ્હી પોલીસની આર્થિક અપરાધ શાખાની ટીમે 11 કરોડ રૂપિયાની છેતરપિંડી કરવાના કેસમાં JNUના એક નિવૃત્ત વરિષ્ઠ ટેકનિકલ સહાયકની ધરપકડ કરી છે. તેમની ઓળખ પીડી ગાયકવાડ તરીકે થઈ છે. તેમના પર JNU અને IITના પ્રોફેસરોને હાઉસિંગ પ્રોજેક્ટના નામે કરોડો રૂપિયાની છેતરપિંડી કરવાનો આરોપ છે.
શું છે સમગ્ર મામલો: આર્થિક ગુના નિવારણ શાખામાં દાખલ થયેલી ફરિયાદ મુજબ 2015માં પી.ડી. ગાયકવાડ જ્યારે JNUની સ્કૂલ ઓફ એન્વાયરમેન્ટલ સાયન્સીઝમાં સાઈન્ટિફિક ઓફિસર તરીકે કાર્યરત હતાં. ત્યારે તેમણે નોબેલ સોશિયો સાઈન્ટિફિક વેલફેર ઓર્ગેનાઈઝેશનની રચના કરી હતી. તેમણે દાવો કર્યો હતો કે, તે તમામ માટે અફોર્ડેબલ હાઉસિંગ પ્રોજેક્ટ ઉપલબ્ધ કરાવશે. ત્યાર બાદ પીડિત પ્રોફેસરોએ સભ્ય તરીકે ફ્લેટ્સ માટે ચૂકવણી કરી હતી. ત્યાર બાદ આરોપી સમયાંતરે કહેતો રહ્યો કે પ્રોજેક્ટ આગળ વધી રહ્યો છે. બાદમાં નવેમ્બર 2015માં આરોપીઓએ નજફગઢ વિસ્તારમાં એક જગ્યા બતાવી, પરંતુ જમીન ખરીદવા માટેના કોઈ સાચા દસ્તાવેજ બતાવી શક્યો ન હતો.
છેતરપિંડીનો થયાનો ભાસ થયો: બાદમાં આરોપીએ અન્ય વિકલ્પો આપીને મામલો ટાળવાનો પ્રયાસ કર્યો હતો, પરંતુ જ્યારે લોકોને ખબર પડી કે તેમની સાથે છેતરપિંડી થઈ છે. તો આ અંગેની ફરિયાદ તેમણે આર્થિક ગુના શાખામાં કરી હતી. ડીસીપી સુરેન્દ્ર ચૌધરીની દેખરેખ હેઠળ એસીપી હરિ સિંહ, ઈન્સ્પેક્ટર કમલ કોહલી, આસિસ્ટન્ટ સબ ઈન્સ્પેક્ટર પ્રદીપની ટીમે તપાસ શરૂ કરી છે. જ્યારે આરોપી જ્યાં રહેતો હતો તે સરનામે નોટિસ મોકલવામાં આવી તો જાણવા મળ્યું કે તે ત્યાં રહેતો નથી, ત્યાર બાદ તપાસમાં લાગેલી પોલીસે ભારે શોધખોળ કરીને તેને ગુરુગ્રામથી પકડી પાડ્યો છે.
આરોપી નાગપુરનો રહેવાશી: પોલીસની પૂછપરછ દરમિયાન જાણવા મળ્યું છે કે, આરોપી મૂળ મહારાષ્ટ્રના નાગપુરનો રહેવાશી છે. તેણે આંબેડકર કોલેજમાંથી 12નો અભ્યાસ કર્યો છે. નાગપુરથી જ તેણે B.Sc અને પછી M.Sc કર્યું અને પછી દિલ્હીમાં JNUમાં સિનિયર ટેકનિકલ આસિસ્ટન્ટ તરીકે પોસ્ટિંગ મેળવ્યું. 2010માં તે સોસાયટીના કેટલાક લોકોના સંપર્કમાં આવ્યો અને ત્યાંથી તેને એફોર્ડેબલ હાઉસિંગ સ્કીમ બનાવવાનો વિચાર આવ્યો. ત્યારબાદ છેતરપિંડી કરવા માટે તેણે 2011માં એક કમિટી બનાવી અને તેમાં સરકારી કર્મચારીઓને સામેલ કર્યા. એફોર્ડેબલ ફ્લેટ આપવાનું વચન આપીને લોકોએ એમાં પૈસા રોક્યા, પછી એમાં બધાના પૈસા ઉડી ગયા.
પોલીસની લોકોને અપીલ: મહત્વપૂર્ણ છે કે, દિલ્હી પોલીસ સમયાંતરે લોકોને જાગૃત કરે છે કે તેઓ આવી નકલી અને લોભામણી સમિતિઓ બનાવનારા લોકો પર વિશ્વાસ ન કરે. સરકારી યોજનાઓના નામે લોકો સાથે છેતરપિંડી કરનારા અનેક પ્રકારના છેતરપિંડીના કિસ્સા પ્રકાશમાં આવ્યા છે. કોઈપણ સરકારી યોજનામાં પૈસા રોકતા પહેલા તેની સંપૂર્ણ તપાસ કરી લો.
