- દીપ સિદ્ધુની જામીન અરજી પર દિલ્હીની ટીસ હજારી કોર્ટે પોતાનો ચુકાદો સુરક્ષિત રાખ્યો
- લાલ કિલ્લા પર ત્રિરંગાનું અપમાન કરવા બદલ દીપ સિદ્ધુની ધરપકડ કરાઈ હતી
- એડિશનલ સેશન્સ જજે બન્ને પક્ષની દલીલો સાંભળીને 15મી એપ્રિલના રોજ ચુકાદો આપ્યો હતો
નવી દિલ્હી: 26 જાન્યુઆરીએ લાલ કિલ્લા પર ત્રિરંગાનું અપમાન કરવા બદલ જેલમાં બંધ દીપ સિદ્ધુની જામીન અરજી પર દિલ્હીની ટીસ હજારી કોર્ટે પોતાનો ચુકાદો સુરક્ષિત રાખ્યો છે. એડિશનલ સેશન્સ જજ નિલોફર આબીદા પરવીને બન્ને પક્ષની દલીલો સાંભળીને 15મી એપ્રિલના રોજ ચુકાદો આપ્યો હતો.
મીડિયા ઇન્ટરવ્યૂમાં દીપ સિદ્ધુના ઇરાદા બહાર આવ્યા
સુનાવણી દરમિયાન દિલ્હી પોલીસે કોર્ટને જણાવ્યું હતું કે, દીપ સિદ્ધુએ મીડિયા સમક્ષ નિવેદન આપ્યું હતું. તે સ્પષ્ટ રીતે તેના ઇરાદા દર્શાવે છે. પોલીસના કહેવા પ્રમાણે, દીપ સિદ્ધુએ જણાવ્યું હતું કે, '26 જાન્યુઆરી આવી રહી છે. શક્ય તેટલા લોકોને લાવો, તમારા ટ્રેક્ટરો લાવો. જ્યારે અમે 26 નવેમ્બરના રોજ આવ્યા, ત્યારે બેરીકેડ્સ તૂટી ગયા હતા અને દિલ્હી પોલીસે કહ્યું હતું કે, દીપ સિદ્ધુએ તેમના ઇન્ટરવ્યૂમાં તેના ઇરાદા જાહેર કર્યા હતા. આવી સ્થિતિમાં તેને જામીન મળવા જોઈએ નહીં.
એક તરફ શાંતિ અને બીજી બાજુ હિંસા ભડકાવી રહ્યો હતો
દિલ્હી પોલીસે જણાવ્યુ કે, દીપ સિદ્ધુ નિશન સાહેબનો ધ્વજ ફરકાવ્યા પછી તેમણે જોરજોરથી બૂમ પાડવા માંડી કે ખેડૂતોના નેતાઓ અહીં આવે અને જૂએ કે આપણે ઇતિહાસ રચ્યો છે. અમે તે કાર્ય શાંતિપૂર્ણ રીતે કર્યું છે. દિલ્હી પોલીસે જણાવ્યું કે, દીપ સિદ્ધુ એક તરફ શાંતિની વાત કરી રહ્યો હતો અને બીજી બાજુ હિંસા ભડકાવી રહ્યો હતો.
ટ્રાન્સ્ક્રિપ્ટ રજૂ કરવા પિક એન્ડ ચૂઝનો ઉપયોગ કર્યો
દિલ્હી પોલીસની દલીલનો વિરોધ કરતા દીપ સિદ્ધુના વકીલ અભિષેક ગુપ્તાએ જણાવ્યું હતું કે, દિલ્હી પોલીસ પિક અને ચૂઝનો ઉપયોગ ટ્રાન્સ્ક્રિપ્ટ રજૂ કરવા માટે કરી રહી છે. અભિષેક ગુપ્તાએ જણાવ્યું કે, અમે વીડિયો અને ભાષણની સંપૂર્ણ ટ્રાન્સ્ક્રિપ્ટ કોર્ટમાં રજૂ કરી છે. કોર્ટે એ જોવું રહ્યું કે, દીપ સિદ્ધુએ હિંસા ભડકાવી હતી કે તેણે ફક્ત વિરોધ કર્યો હતો.
દીપ સિદ્ધુએ લાલ કીલા જવાની હાકલ કરી ન હતી
ગત 8 એપ્રિલના રોજ કોર્ટે દિલ્હી પોલીસને દીપ સિદ્ધુના વીડિયોની ટ્રાન્સક્રિપ્ટ રજૂ કરવા નિર્દેશ આપ્યો હતો. સુનાવણી દરમિયાન અભિષેક ગુપ્તાએ FIR વાંચી હતી અને કહ્યું હતું કે, 26 જાન્યુઆરીએ બપોરે 12 વાગ્યે લગભગ એક હજાર લોકો લાલ કિલ્લા તરફ જવા લાગ્યા. તેમણે કહ્યું હતું કે, FIR મુજબ લોકોના ટોળાએ બેરીકેડ તોડવાનો પ્રયાસ કર્યો હતો અને પોલીસકર્મીને કચડી નાખવાનો પ્રયાસ કર્યો હતો. તેમણે કહ્યું કે, આ FIRમાં ફક્ત તે લોકોના નામનો ઉલ્લેખ કરવામાં આવશે જે હિંસામાં શામેલ થયા છે. દીપ સિદ્ધુ પર દિલ્હી પોલીસે આરોપ મૂક્યો છે. પરંતુ તે કોઈ ખેડૂત સંગઠનનો સભ્ય નથી. દીપ સિદ્ધુએ ટ્રેક્ટર રેલી કાઢવા અથવા લાલ કિલ્લે જવા માટે કોઈ કોલ આપ્યો ન હતો. દીપ સિદ્ધુએ બેરિકેડ તોડ્યો હતો કે હિંસામાં શામેલ હોવાના કોઈ પુરાવા નથી.
દીપ સિદ્ધુ લાલ કિલ્લા પર પહોંચ્યા બાદ હિંસાની શરૂઆત થઈ હતી
સુનાવણી દરમિયાન દિલ્હી પોલીસે કહ્યું કે, દીપ સિદ્ધુ બપોરે 1.45 વાગ્યે લાલ ક્વિલા પહોંચ્યા હતા. દિલ્હી પોલીસે કહ્યું કે, દીપ સિદ્ધુએ હિંસા ભડકાવવા અને ઉશ્કેરવાનું કામ કર્યું હતું. આ હિંસામાં 144 પોલીસકર્મીઓ ગંભીર રીતે ઈજાગ્રસ્ત થયા હતા. કેટલાક વિરોધીઓએ પોલીસકર્મીઓને ટ્રેક્ટરથી કચડી નાખવાનો પ્રયાસ કર્યો હતો. દીપ સિદ્ધુ લાલ કિલ્લા પર પહોંચ્યા બાદ પોલીસકર્મીઓ પર હુમલા શરૂ થયા હતા. તે પછી તેણે ઝડપથી બૂમો પાડવાનું શરૂ કર્યું અને ભીડને ઉશ્કેરણી કરી હતી.
ભારતને બદનામ કરવાનો હેતુ હતો
દિલ્હી પોલીસે કહ્યું હતું કે, જ્યારે લાલ કિલ્લા રેલીના રૂટ પર ન હતા, ત્યારે તેઓ ત્યાં કેવી રીતે ગયા હતા. જો તેઓએ કૃષિ કાયદાઓ સામે શાંતિપૂર્ણ વિરોધ કર્યો હતો. તો તેઓ લાલ કીલામાં કેવી રીતે અને શા માટે ગયા ? દીપ સિદ્ધુનો એજન્ડા માત્ર ભારતને બદનામ કરવાનો હતો. દિલ્હી પોલીસે પૂછ્યું હતું કે શું પોલીસકર્મીઓને કોઈ મૂળભૂત અધિકાર નથી. શું ભારતને બદનામ કરવાનો મૂળભૂત અધિકાર છે ? આ અંગે અભિષેક ગુપ્તાએ નારાજગી વ્યક્ત કરી હતી કે આ દલીલની યોગ્યતા નથી. તેમણે કહ્યું કે તેઓ આ સંદર્ભે રેકોર્ડ કરેલી વીડિયો રજૂ કરી શકે છે. તે બાદ કોર્ટે તેને વીડિયોની ટ્રાન્સક્રિપ્ટ સબમિટ કરવાનો નિર્દેશ આપ્યો હતો.
આ પણ વાંચો : ખેડૂત સંગઠનો ભારતમાં ખેડૂત શહીદી યાત્રાનું આયોજન કરશે
જામીન અરજી અગાઉ નામંજૂર કરવામાં આવી છે
તમને જણાવી દઇએ કે, 26 ફેબ્રુઆરીએ કોર્ટે દીપ સિદ્ધુની જામીન અરજી નામંજૂર કરી હતી. 23 ફેબ્રુઆરીએ કોર્ટે દીપ સિદ્ધુને 14 દિવસની ન્યાયિક કસ્ટડીમાં મોકલ્યો હતો. દીપ સિદ્ધુને ગત 9 ફેબ્રુઆરીએ હરિયાણાના કર્નાલથી દિલ્હી પોલીસની વિશેષ સેલ દ્વારા ધરપકડ કરવામાં આવી હતી. દિલ્હી પોલીસે કહ્યું હતું કે દીપ સામે વીડિયોગ્રાફી પુરાવા છે.
આ પણ વાંચો : ટ્રેક્ટર પરેડ હિંસા: વિરોધીઓમાં 83 પોલીસ ઇજાગ્રસ્ત, કમિશનરે કહ્યું - કડક કાયદેસરની કાર્યવાહી કરાશે
સિદ્ધુએ લોકોને ઉશ્કેરવાનો આરોપ લગાવ્યો
દિલ્હી પોલીસના જણાવ્યા પ્રમાણે સિદ્ધુએ લોકોને ઉશ્કેર્યા હતા. જેના કારણે લોકોએ જાહેર સંપત્તિને નુકસાન પહોંચાડ્યું હતુ. પોલીસે કહ્યું હતું કે, 26 જાન્યુઆરીએ ટ્રેક્ટર રેલી દરમિયાન નિયમોનું ઉલ્લંઘન કરવામાં આવ્યું હતું. લાલ કિલ્લા પર ધ્વજ ફરકાવવામાં આવ્યો હતો. દીપ સિદ્ધુ તોફાનોમાં મોખરે હતો. લાલ કિલ્લા પર 140 પોલીસકર્મીઓએ હુમલો કર્યો હતો. તેના માથામાં તલવારોથી ઈજાઓ થઈ હતી. દિલ્હી પોલીસે કહ્યું હતું કે, વીડિયોમાં સ્પષ્ટ થઈ ગયું છે કે દીપ સિદ્ધુ ધ્વજ અને લાકડીઓ લઈને લાલ કિલ્લામાં પ્રવેશ કરી રહ્યો હતો. તે અને જુગરાજ સિંહ સાથે હતા.
