કાનપુર જિલ્લાના કાકદેવ પોલીસ સ્ટેશન વિસ્તારના એમ બ્લોક વિસ્તારમાં ગુરુવારે કચરાના ઢગલામાં વિસ્ફોટ થતાં ( cow injured by diwali bomb in kanpur ) ગાયનું જડબું ફાટી ગયું હતું. અવાજ સાંભળીને લોકો ઘરની બહાર આવ્યા તો ગાયને લોહી નીકળતી જોઈને રોષે ભરાણા હતા.
ગાયના મોંમાં બોમ્બ વિસ્ફોટ ઉત્તર પ્રદેશના કાનપુરમાં કાકદેવ વિસ્તારના નવીન નગરમાં કચરાના ઘર પાસે ગાયના મોંમાં બોમ્બ વિસ્ફોટ થયો હતો. ગુરુવારે મોડી સાંજે તેનો ફોટો સોશિયલ મીડિયા પર સામે આવતાં પોલીસ અને પાલિકાના અધિકારીઓ સક્રિય થઈ ગયા હતા. જે બાદ તેની સારવાર શરૂ કરવામાં આવી હતી. પોલીસ દ્વારા ઘાયલ ગાયને રાયપુરવામાં આવેલી એનિમલ હોસ્પિટલ સામે ક્રૂરતા નિવારણ સોસાયટીમાં દાખલ કરવામાં આવી છે.
પ્રાણી ક્રૂરતા કેસ આ ધટનામાં અજાણ્યા લોકો સામે પણ પ્રાણી ક્રૂરતા અધિનિયમ હેઠળ કેસ નોંધવામાં આવ્યો છે. પોલીસ અધિકારીઓનું કહેવું છે કે કચરાના ઢગલામાં બોમ્બ પડેલા મળી આવ્યા છે. ગુરુવારે સાંજે પોલીસને ગાય ઘાયલ હાલતમાં હોવાની માહિતી મળી હતી. કેટલાક લોકોએ જાતે પોલીસ સ્ટેશન જઈને આ અંગે ફરિયાદ કરી હતી.
કોઈનું ઈરાદાપૂર્વકનું કૃત્ય લોકોએ પોલીસને જાણ કરી કે આ કોઈનું ઈરાદાપૂર્વકનું કૃત્ય છે. પોલીસે આ અંગે મહાનગરપાલિકાને જાણ કરી હતી. જ્યારે મહાનગરપાલિકાના ચીફ વેટરનરી ઓફિસર ડો.આર.કે.નિરંજને એસપીસીએ ઈન્ચાર્જને જણાવ્યું કે, એમ્બ્યુલન્સ મોકલીને હોસ્પિટલમાંથી ગાયને લાવવામાં આવી હતી. તેમની સારવાર તાત્કાલિક શરૂ કરવામાં આવી હતી. પોલીસે મામલાને ગંભીરતાથી લઈને તપાસ શરૂ કરી હતી. પોલીસ વિસ્તારના સીસીટીવી કેમેરાને સ્કેન કરી રહી છે.
ઢગલામાંથી ફટાકડા કચરાના ઢગલા પાસે એક ફોટો પણ સામે આવ્યો છે. તેમાં એક ગાય ઉભેલી જોવા મળે છે. પોલીસ શોધી રહી છે કે આ જ ઢગલામાંથી ફટાકડા છે તો ગાયે તેને ખાધા નથી. પોલીસ તપાસ કરી રહી છે. પોલીસના જણાવ્યા અનુસાર, જો કોઈની તોફાન સામે આવશે તો તેની સામે રિપોર્ટ દાખલ કરવામાં આવશે. આ સાથે કડક કાર્યવાહી પણ કરવામાં આવશે. બીજી તરફ પાલિકાની ટીમ ગાયની સારવાર કરાવી રહી છે.
