બેંગલુરુઃ જૂનમાં કોરોનાની ચોથી લહેર(fourth wave of corona) ટોચ પર હશે અને તેની અસર ઓક્ટોબર સુધી રહેશે. કર્ણાટકના સ્વાસ્થ્ય પ્રધાન કે સુધાકરે એક્સપર્ટના રિપોર્ટને ટાંકીને આ માહિતી આપી હતી. તેમણે કહ્યું કે ચોથી લહેરમાં,(COVID 4TH WAVE) ઓમિક્રોન વેરિઅન્ટ BA.2 થી કોરોનાનો પ્રકોપ જોવા મળશે. સરકાર ટૂંક સમયમાં આ અંગે સત્તાવાર અહેવાલ જાહેર કરશે.
આ પણ વાંચો - Corona Vaccine For Children: હવે 6થી 12 વર્ષના બાળકો માટે પણ આવી ગઈ વેક્સિન
ચોથી લહેર આપશે દહેશત - કે સુધાકરના જણાવ્યા અનુસાર, IIT કાનપુરે ડેટા અને રિપોર્ટ શેર કર્યો છે. રિપોર્ટ અનુસાર જૂનના અંતમાં કોરોનાની ચોથી લહેર શરૂ થશે. કોરોનાના વધતા જતા કેસોને કારણે IIT નિષ્ણાતોનો આ અંદાજ સાચો સાબિત થઈ શકે છે. ચોથો વેવ સપ્ટેમ્બર અને ઓક્ટોબર સુધી ચાલુ રહેશે. IIT કાનપુર દ્વારા અગાઉ કરવામાં આવેલી ત્રણ આગાહી સાચી સાબિત થઈ છે. ચોથી લહેર વિશે બહાર પાડવામાં આવેલ અહેવાલ વૈજ્ઞાનિક ડેટા પર આધારિત છે, તેથી તેને નકારી શકાય નહીં. ચોથી વેવમાં કોરોના કેસની સંખ્યા ઓછી હશે, તે દાવો કરી શકાય નહીં. કોરોનાના નવા વેરિઅન્ટની તપાસ ચાલી રહી છે, અત્યારે તેને ઓમિક્રોનનું સબલાઇનેજ માનવામાં આવે છે. વેરિઅન્ટ સંબંધિત માહિતી એક-બે દિવસમાં જાહેર કરવામાં આવશે.
આ પણ વાંચો - India Corona Cases : કોરોનાએ ફરી રફ્તાર પકડી, 24 કલાકમાં 16,522 કેસ નોંધાયા
કયારે આવશે ચોથી લહેર - સી.એન. શ્રી જયદેવ ઇન્સ્ટિટ્યૂટ ઑફ કાર્ડિયોવેસ્ક્યુલર સાયન્સ એન્ડ રિસર્ચ, બેંગલુરુના ડિરેક્ટર મંજુનાથે જણાવ્યું હતું કે, કર્ણાટકમાં કોવિડના BA.2.10 અને BA.2.12 ના વેરિઅન્ટો મળી આવ્યા છે. BA.2 વેરિઅન્ટને કારણે કોવિડની ચોથી લહેર આગામી ત્રણથી ચાર અઠવાડિયામાં શરૂ થશે. રાહતની વાત એ છે કે આ સમય દરમિયાન હોસ્પિટલમાં દાખલ લોકોની સંખ્યા પહેલા કરતા ઓછી થઈ જશે, જોકે ચેપ ઝડપથી ફેલાશે. આગામી બે અઠવાડિયામાં કોવિડના કેસોમાં વધારો જોવા મળશે. દિલ્હી અને મુંબઈ સહિત ઘણા રાજ્યોમાં લોકો કોરોનાના BA.2.12 મ્યુટન્ટથી પ્રભાવિત થઈ રહ્યા છે. દિલ્હી-NCRમાં કોરોનાના કેસ વધી રહ્યા છે, જેના કારણે તમામ રાજ્યોએ ફરીથી કોવિડ પ્રોટોકોલ લાગુ કર્યો છે.
