- ભારતમાં કોરોના વાઇરસની બીજી લહેરની ગતિ ધીમી થઈ ગઇ છે
- દેશમાં સક્રિય કેસની કુલ સંખ્યા 31,29,878 છે
- દેશમાં ડિસ્ચાર્જ થયેલા કેસની કુલ સંખ્યા 2,23,55,440 છે
હૈદરાબાદ: છેલ્લા કેટલાક દિવસોથી ભારતમાં કોરોનાના સંક્રમણના દૈનિક કેસોમાં ઘટાડો થઈ રહ્યો હોવા છતાં, કોવિડ-19થી દૈનિક મોતનો આંકડો વધી રહ્યો છે, જે સરકાર તેમજ સામાન્ય લોકો માટે ચિંતાનો વિષય છે.
છેલ્લા 24 કલાકમાં દેશભરમાં કોવિડ-19ના 2.76 લાખ નવા કેસ નોંધાયા છે
ભારતમાં કોરોના વાઇરસની બીજી લહેરની ગતિ ધીમી થઈ ગઇ છે અને મૃત્યુઆંકમાં મોટો ઘટાડો થયો છે. પરંતુ નવા કેસ ફરી એકવાર વધી રહ્યા છે. છેલ્લા 24 કલાકમાં દેશભરમાં કોવિડ-19ના 2.76 લાખ નવા કેસ નોંધાયા છે, જ્યારે મૃત્યુની સંખ્યા ઘટીને ચાર હજાર થઈ ગઈ છે.
દેશમાં રસીકરણનો કુલ આંકડો વધીને 18,70,09,792 થયો છે
ગુરુવારે ભારતમાં જાહેર કરવામાં આવેલા અહેવાલ મુજબ, કોરોનાના 2,76,070 નવા કેસ આવ્યા પછી, પોઝિટિવ કેસની કુલ સંખ્યા વધીને 2,57,72,400 થઈ ગઈ છે. તે જ સમયે 3,874 નવા મૃત્યુ પછી, મૃત્યુઆંકની કુલ સંખ્યા વધીને 2,87,122 થઈ ગઈ છે. દેશમાં સક્રિય કેસની કુલ સંખ્યા 31,29,878 છે અને ડિસ્ચાર્જ થયેલા કેસોની કુલ સંખ્યા 2,23,55,440 છે. દેશમાં રસીકરણનો કુલ આંકડો વધીને 18,70,09,792 થયો છે.
કોવિડ-19ના એક દિવસમાં 2,67,334 નવા કેસ નોંધાયા હતા
ભારતીય તબીબી સંશોધન પરિષદ (આઈસીએમઆર)ના જણાવ્યા અનુસાર, ગઈકાલ બુધવાર સુધી ભારતમાં કોરોના વાઇરસના કુલ 32,23,56,187 નમૂનાઓ ટેસ્ટ કરવામાં આવ્યા છે, જેમાં ગઈકાલે 20,55,010 નમૂનાઓ ટેસ્ટ કરવામાં આવ્યા હતા. બુધવારે 24 ક્લાકમાં દેશમાં કોરોના સંક્રમણથી 4,529 લોકોના મોત નીપજ્યાં હતા. જ્યારે કોવિડ-19ના એક દિવસમાં 2,67,334 નવા કેસ નોંધાયા હતા.
8મેના રોજ કોરોનાના દૈનિક કેસ ચાર લાખથી વધુ હતા
આપને જણાવી દઈએ કે, 8મેના રોજ કોરોનાના દૈનિક કેસ ચાર લાખથી વધુ હતા, ત્યારબાદ મૃત્યુઆંક 4100ની નજીક હતો અને હવે જ્યારે દૈનિક કેસ ઘટીને 2,67,334 થઈ ગયા છે, ત્યારે મૃત્યુઆંક 4529 પર પહોંચી ગયો છે. જે વિશ્વભરમાં એક દિવસમાં કોરોનાથી મરનાર લોકોની સૌથી વધુ સંખ્યા છે.
જો આપણે છેલ્લા પાંચ દિવસના ડેટા જોઈએ તો પરિસ્થિતિ સ્પષ્ટ થઈ જશે
| મહિનો | નવા કેસ | મોત |
| 15 મે | 3,26,098 | 3890 |
| 16 મે | 3,11,170 | 4077 |
| 17 મે | 2,81,386 | 4106 |
| 18 મે | 2,63,533 | 4329 |
| 19 મે | 2,67,334 | 4529 |
| 20 મે | 2,76,070 | 3,874 |
કોરોનાથી મૃત્યુઆંકમાં સતત વધારો થઇ રહ્યો છે
આંકડા પરથી સ્પષ્ટ થાય છે કે, કોરોનાથી મૃત્યુઆંકમાં સતત વધારો થઇ રહ્યો છે. બુધવારે મહારાષ્ટ્ર, કર્ણાટક, તામિલનાડુ, દિલ્હી અને યુપીમાં સૌથી વધુ મૃત્યુ નોંધાયા છે. આ રાજ્યોમાં સક્રિય કેસ વધુ છે. તે જ સમયે, પંજાબ, હરિયાણા, હિમાચલ પ્રદેશ અને જમ્મુ-કાશ્મીરમાં બુધવારે કોવિડ-19ના ક્રમશઃ 208, 153, 69 અને 62 દર્દીઓનું મૃત્યુ થયા હતા.
