- અરવિંદ કેજરીવાલ(Arvind Kejriwal) આજે ગુજરાત પર છે
- 26 ફેબ્રુઆરીએ અરવિંદ કેજરીવાલે(Arvind Kejriwal) સુરતમાં રોડ શો કર્યો હતો
- રાજ્યના પાર્ટીના અન્ય પદાધિકારીઓ સાથે અરવિંદ કેજરીવાલ (Arvind Kejriwal) સમીક્ષા બેઠક પણ કરશે
નવી દિલ્હી: 2022ની વિધાનસભાની ચૂંટણીને ધ્યાનમાં રાખીને આમ આદમી પાર્ટી પર નજર રાખનારા કેટલાક રાજ્યોમાં ગુજરાત અગ્રણી છે. આમ આદમી પાર્ટી 2022ની ગુજરાત વિધાનસભાની ચૂંટણીની જોરશોરમાં વ્યસ્ત છે. પાર્ટી હાઇકમાન્ડ અરવિંદ કેજરીવાલ(Arvind Kejriwal) પણ આ રાજ્ય પર નજર રાખી રહ્યા છે અને આ અંગે મુખ્યપ્રધાન અરવિંદ કેજરીવાલ(Arvind Kejriwal) આજે ગુજરાત જઇ રહ્યા છે.
આ પણ વાંચોઃ દિલ્હીમાં કોરોના સંક્રમણનો દર ઘટીને 11 થયો, CM કેજરીવાલે ઓનલાઈન પ્રેસ કોન્ફરન્સમાં આપી માહિતી
અમદાવાદમાં પાર્ટી કાર્યાલયનું ઉદ્ઘાટન કરશે
અરવિંદ કેજરીવાલ(Arvind Kejriwal) આજે અમદાવાદમાં પાર્ટી કાર્યાલયનું ઉદ્ઘાટન કરશે. આ સાથે જ અરવિંદ કેજરીવાલ(Arvind Kejriwal)ની હાજરીમાં ભાજપ અને કોંગ્રેસ સાથે સંકળાયેલા કેટલાક નેતાઓ આજે આમ આદમી પાર્ટીમાં જોડાશે. આ પછી, મુખ્યપ્રધાન કેજરીવાલ(Arvind Kejriwal) વિધાનસભાની ચૂંટણીની તૈયારીઓ સંદર્ભે પાર્ટીના કન્વીનર ગોપાલ ઇટાલિયા(Party convener Gopal Italia) અને રાજ્યના પાર્ટીના અન્ય પદાધિકારીઓ સાથે સમીક્ષા બેઠક પણ કરશે.
અરવિંદ કેજરીવાલે કર્યું ટ્વિટ
દિલ્હીના મુખ્યપ્રધાન અરવિંદ કેજરીવાલ આજે ગુજરાત આવી રહ્યા હોવાનું ટ્વિટ કર્યું હતું. જેમા તેમણે જણાવ્યું હતું કે, "હવે બદલાશે ગુજરાત, કાલે હું ગુજરાત આવી રહ્યો છું, ગુજરાતના બધા ભાઈ-બહેનોને મળીશ..."
મુખ્યપ્રધાન કેજરીવાલનો દિનચર્યા
| સમય | સ્થળ |
| 10:20 | અમદાવાદ એરપોર્ટ પહોંચશે |
| 10:40 | એરપોર્ટથી સરકીટ હાઉસ જશે |
| 11:45 | વલ્લભ સદન ખાતે પત્રકાર પરિષદ સંબોધશે |
| પત્રકાર પરિષદ બાદ પ્રદેશ AAP કાર્યલયનું ઉદ્વાટન કરશે | |
આ પણ વાંચોઃ Arvind Kejriwal On Gujarat Visit - 14 જૂને અરવિંદ કેજરીવાલ અમદાવાદ આવશે
26 ફેબ્રુઆરીએ સુરતમાં રોડ શો યોજાયો હતો
ઉલ્લેખનિય છે કે, આ વર્ષે અરવિંદ કેજરીવાલ(Arvind Kejriwal)ની ગુજરાતની આ બીજીવારની મુલાકાત છે. આ પહેલા 26 ફેબ્રુઆરીએ અરવિંદ કેજરીવાલે(Arvind Kejriwal) સુરતમાં રોડ શો કર્યો હતો. તે પછી સુરત નાગરિક ચૂંટણીઓમાં આમ આદમી પાર્ટી મુખ્ય વિરોધી પક્ષ તરીકે ઉભરી આવી હતી. આ ચૂંટણીમાં ગુજરાતની ચૂંટણી રજૂઆતથી ખળભળાટ મચાવતા અરવિંદ કેજરીવાલે(Arvind Kejriwal) સુરતમાં રેલી યોજીને ભાજપને સીધા નિશાના પર લીધું હતું.
સ્થાનિક સ્વરાજની ચૂંટણીમાં આપની જોરદાર બેટિંગ
આમ આદમી પાર્ટીએ પ્રદેશ પ્રમુખનું પદ ગોપાલ ઈટાલિયાને આપ્યા બાદ ગુજરાતમાં આપએ 21 ફેબ્રુઆરીએ યોજાયેલી સ્થાનિક સ્વરાજની ચૂંટણીથી રાજ્યના રાજકારણમાં સફળતાપૂર્વક પ્રવેશ હતો. આ દરમિયાન, આપએ માત્ર સુરત મહાનગરપાલિકામાં જ 27 બેઠકો જીતી હતી. આ ઉપરાંત રાજ્યમાં જિલ્લા પંચાયત, તાલુકા પંચાયત અને નગરપાલિકાઓમાં પણ અનેક બેઠકો જીતી હતી. સ્થાનિક સ્વરાજની બેઠકો જીત્યા બાદ સુરતમાં આપએ ભાજપ અને કૉંગ્રેસ બન્નેનો વોટ શૅરને તોડ્યો હતો.
