CBSE 10th Result 2023: CBSE Board ધો-10નું પરિણામ જાહેર, વિદ્યાર્થીનીઓએ મારી બાજી

સીબીએસઈ બોર્ડ 10માનું પરિણામ પણ જાહેર થઈ ગયું છે. બોર્ડે આજે જ 12 માનું પરિણામ જાહેર કર્યું હતું ત્યારબાદ હવે 10માનું પરિણામ પણ જાહેર કરવામાં આવ્યું છે. વિદ્યાર્થીઓ સત્તાવાર વેબસાઇટ પર તેમનું પરિણામ જોઈ શકે છે.

અમદાવાદ: સેન્ટ્રલ બોર્ડ ઓફ સેકન્ડરી એજ્યુકેશન (CBSE Board) દ્વારા 2023ના ધોરણ 10નું પરિણામ જાહેર થઇ ગયુ છે. વિદ્યાર્થીઓ સીબીએસઈની સત્તાવાર વેબસાઈટ પરથી પરિણામ જાણી શકે છે. વિદ્યાર્થીઓ https://cbseresults.nic.in પર પરિણામ જોઈ શકે છે.સીબીએસઈની સત્તાવાર વેબસાઈટ ઉપરાંત વિદ્યાર્થીઓ ઉમંગ એપ પર પણ પરિણામ જોઈ શકે છે.

પરિણામ કેવી રીતે તપાસવું?:

1. સ્ટેપ 1: CBSE ની સત્તાવાર વેબસાઇટ, cbseresults.nic.in અથવા cbse.gov.in ની મુલાકાત લો.
2. સ્ટેપ 2: હોમ પેજ પર, 'CBSE 12મું પરિણામ ડાયરેક્ટ લિંક', 'CBSE 10મું પરિણામ ડાયરેક્ટ લિંક' પર ક્લિક કરો.
3. સ્ટેપ 3: લોગિન પેજ ખુલશે, અહીં તમારો રોલ નંબર અને જન્મ તારીખ દાખલ કરો.
4. સ્ટેપ 4: તમારું CBSE બોર્ડ પરિણામ સ્ક્રીન પર ખુલશે, તેને તપાસો.
5. સ્ટેપ 5: વિદ્યાર્થીઓ અહીંથી પરિણામની ડિજિટલ નકલ ડાઉનલોડ કરી શકે છે અને તેને પોતાની પાસે રાખી શકે છે.

CBSE ધોરણ 10મા પરિણામ 2023ની સીધી લિંક: CBSE 10માની પરીક્ષા 15 ફેબ્રુઆરીથી 21 માર્ચ દરમિયાન લેવામાં આવી હતી. આ વર્ષે 21,86,940 વિદ્યાર્થીઓએ CBSE 10ની પરીક્ષા આપી હતી. CBSE 10માનું પરિણામ વિદ્યાર્થીઓને સીધા જ DigiLocker દ્વારા ઉપલબ્ધ કરાવવામાં આવશે. વિદ્યાર્થીઓ 6 અંકની પિન દાખલ કરીને પરિણામ ચકાસી શકશે. શાળા દ્વારા વિદ્યાર્થીઓને પિન પહેલેથી જ આપવામાં આવ્યો છે.

ગત વર્ષનું પરિણામ: 2022માં 20 લાખ વિદ્યાર્થીઓએ ધોરણ 10ની પરીક્ષા આપી હતી. એકંદરે પાસની ટકાવારી 94.40 ટકા રહી હતી. ગયા વર્ષે છોકરાઓની પાસ થવાની ટકાવારી 93.80 ટકા અને છોકરીઓની 95.21 ટકા હતી.

DigiLocker: બોર્ડે તાજેતરમાં DigiLocker માટે સિક્યોરિટી પિન સંબંધિત સત્તાવાર સૂચના બહાર પાડી છે. અહેવાલો અનુસાર, શાળાઓને ઉમેદવારો સાથે સુરક્ષા પિન શેર કરવા માટે કહેવામાં આવ્યું છે. વિદ્યાર્થીઓએ આ PIN વડે તેમનું DigiLocker એકાઉન્ટ બનાવવાનું રહેશે. CBSE એ વિદ્યાર્થીઓના ડિજીલોકર એકાઉન્ટ્સ માટે તેમના ડેટાની સુરક્ષા અને ગોપનીયતા વધારવા માટે 6 અંકની સુરક્ષા પિન જારી કરી છે.