નવી દિલ્હી: બુધવારે દિલ્હીની જામા મસ્જિદમાં બોમ્બ વિસ્ફોટ થયો હોવાની માહિતી મળી હતી. આ પછી હોબાળો મચી ગયો હતો. બપોરે એક વ્યક્તિએ પોલીસ કંટ્રોલ રૂમને ફોન કરીને કહ્યું કે, મસ્જિદમાં બોમ્બ રાખવામાં આવ્યો છે. જેના કારણે વિસ્તારમાં અરાજકતાનો માહોલ સર્જાયો હતો. પોલીસ કંટ્રોલ રૂમમાં કોલ આવ્યા બાદ, સ્થાનિક પોલીસ, ડોગ સ્કવોડ, બોમ્બ સ્ક્વોડ, ફાયર અને ડિઝાસ્ટર મેનેજમેન્ટ અને અન્ય તમામ સંબંધિત એજન્સીઓની ટીમો ઉતાવળમાં સ્થળ પર પહોંચી ગઈ હતી.
આ પણ વાંચો: Kozhikode Car Accident: સ્પીડમાં આવતી કાર દિવાલ સાથે અથડાઈને પલટાઈ ગઈ, ઘટના CCTVમાં કેદ થઈ ગઈ
બોમ્બ સ્કવોડની ટીમે સ્થળે સ્થળે શોધખોળ શરૂ કરી: મસ્જિદ ખાલી કરાવ્યા બાદ તપાસ શરૂ કરવામાં આવી હતી. લગભગ બે કલાકની મહેનત બાદ પોલીસે આ કોલને ખોટો ગણાવ્યો હતો. જે બાદ લોકોએ રાહતનો શ્વાસ લીધો હતો. હાલમાં જામા મસ્જિદ પોલીસ સ્ટેશન તે વ્યક્તિની શોધ કરી રહી છે, જેણે હોક્સ કોલ કર્યો હતો. પોલીસની માહિતી અનુસાર, બપોરે લગભગ 1:30 વાગે કંટ્રોલ રૂમને જામા મસ્જિદમાં બોમ્બ રાખવાનો ફોન આવ્યો હતો. આ દરમિયાન મસ્જિદમાં નમાઝ અને પ્રવાસીઓની ભારે ભીડ હાજર હતી. આવી સ્થિતિમાં તકેદારીના પગલા રૂપે મોટી સંખ્યામાં પોલીસ દળને ઘટનાસ્થળે બોલાવવામાં આવ્યા હતા અને આસપાસના વિસ્તારને ખાલી કરાવ્યા બાદ બોમ્બ સ્કવોડની ટીમે સ્થળે સ્થળે શોધખોળ શરૂ કરી હતી. તપાસમાં અનેક ટીમો મુકવાનું કારણ એ હતું કે ફોન કરનારે કહ્યું હતું કે, થોડા કલાકોમાં જ બ્લાસ્ટ થશે. સાથે જ ફોન કરનાર વિશે જાણવાની કામગીરી શરૂ કરવામાં આવી હતી. આખરે લગભગ બે કલાકની તપાસ બાદ બોમ્બ અંગેની માહિતી ખોટી સાબિત થઈ હતી.
આ પણ વાંચો: Member Missing From The Delegats: ઇઝરાયેલ પ્રતિનિધિમંડળના છ સભ્યો થયા ગુમ, તેમના વિઝા થશે રદ
ફ્લાઈટમાં બોમ્બ અંગેનો ખોટો કોલ આવ્યો: જાન્યુઆરીમાં દિલ્હી-મુંબઈ સ્પાઈસ જેટની ફ્લાઈટમાં બોમ્બ અંગેનો આવો જ ખોટો કોલ આવ્યો હતો. તપાસમાં જાણવા મળ્યું કે ટ્રેઇની ટિકિટ એજન્ટે તેના મિત્રની ગર્લફ્રેન્ડને ફ્લાઇટ પકડવા માટે આવું કર્યું હતું. તેના મિત્રોએ કહ્યું કે અમારી ગર્લફ્રેન્ડ દિલ્હીથી પુણે ફ્લાઈટમાં જઈ રહી છે, અમે તેને રોકવા માંગીએ છીએ. તેમને રોકવા માટે કંઈક કરો. મિત્રતા નિભાવવાની હતી એટલે તેણે પ્લેનમાં બોમ્બના ખોટા સમાચાર આપ્યા.
