પંજાબ : બોર્ડર સિક્યુરિટી ફોર્સ (બીએસએફ) એ શનિવારે પંજાબના ગુરદાસપુરમાં ભારત અને પાકિસ્તાન વચ્ચેની આંતરરાષ્ટ્રીય સરહદ નજીક પાકિસ્તાની દાણચોરો સાથેના એન્કાઉન્ટર પછી હેરોઈનના 20 પેકેટ અને હથિયારો અને દારૂગોળો જપ્ત કર્યો હતો. બીએસએફની 113 બટાલિયનને ગુરુદાસપુર જિલ્લાના ખાસાવલી ગામ નજીક આજે સવારે દાણચોરોની શંકાસ્પદ હિલચાલ જોવા મળ્યા બાદ એન્કાઉન્ટર શરૂ થયું હતું, એમ એક અધિકારીએ જણાવ્યું હતું.
BSFએ ગુરદાસપુરમાં ડ્રગ્સ રિકવર કર્યું : બીએસએફના ડેપ્યુટી ઈન્સ્પેક્ટર જનરલ પ્રભાકર જોશીએ ગુરદાસપુરમાં પત્રકારોને જણાવ્યું હતું કે, "સવારે સાડા પાંચ વાગ્યે ગાઢ ધુમ્મસમાં પેટ્રોલિંગ કરતી વખતે, બીએસએફના કોન્સ્ટેબલ હેમરામને કેટલીક શંકાસ્પદ હિલચાલ જોવા મળી. જ્યારે તેણે દાણચોરોને પડકાર્યા તો તેઓએ પાકિસ્તાન તરફથી ગોળીબાર શરૂ કર્યો. સૈનિકોએ પણ જવાબમાં ગોળીબાર કર્યો હતો. જોશીએ જણાવ્યું કે પેટ્રોલિંગ કમાન્ડરની આગેવાની હેઠળની ટીમે પણ BSF જવાનોને સાથ આપ્યો. એન્કાઉન્ટર લાંબા સમય સુધી ચાલ્યું.
આ પણ વાંચો : Ahmedabad Crime : વટવામાં 22 લાખના ડ્રગ્સ સાથે યુવક ઝડપાયો, જેલમાં બંધ આરોપીઓએ સૂકવવા માટે આપેલું
હેરોઈનના 20 પેકેટ : બાદમાં સર્ચ ઓપરેશન દરમિયાન ફોર્સને વાડથી લગભગ 30 મીટર દૂર એક 15 ફૂટ લાંબી પાઇપ મળી, જેમાં હેરોઈનના 20 પેકેટ હતા, એમ તેમણે જણાવ્યું હતું. BSFએ પંજાબ પોલીસ સાથે શનિવારની ઘટના વિશે માહિતી શેર કરી અને કહ્યું કે તેઓ ભારતીય લોકોને શોધી રહ્યા છે જેમને કન્સાઈનમેન્ટ મળવાનું હતું. BSFએ કહ્યું કે અન્ય એક ઘટનામાં તેના જવાનોએ રામદાસ પોલીસ સ્ટેશન વિસ્તારમાં પાકિસ્તાની ડ્રોન પર ગોળીબાર કર્યો. તેમણે જણાવ્યું કે સર્ચ ઓપરેશન ચાલુ છે.
આ પણ વાંચો : Vadodara Drugs case : શહેરમાં ફરી એકવાર ડ્રગ્સની હેરાફેરી અટકાવી, એકની અટકાયત બે વોન્ટેડ
