BJP ઉમેદવાર નિલાંજન રોયની ગાડી પર હુમલો થયો છે. નિલાંજન ડાયમંડ હાર્બર લોકસભા સીટ પરથી ઉમેદવાર છે. તેમના વિરુદ્ધ તૃણમૂલ કોંગ્રેસના અભિષેક બેનર્જી મેદાનમાં ઉતર્યા છે.
તો બીજી બાજુ અનૂપમ હાજરાએ કહ્યું કે TMCના ગુંડાઓએ BJPના મંડળ અધ્યક્ષ સાથે મારામારી કરી છે. તેમણે કાર પર હુમલો કરીને કારના ડ્રાઇવર સાથે પણ મારા-મારી કરી છે.
અનુપમ હાજરાએ જણાવ્યું છે કે, લોકો BJPને વોટ કરવા ઇચ્છે છે પરંતુ TMCના ગુંડાઓ બૂથ પર નજર રાખી રહ્યા છે. વધુમાં તેમણે જણાવ્યું છે કે, જાદવપુરમાં 150/137 નંબરના મતદાન કેન્દ્ર પર બનાવટી મતદાન કરવામાં આવ્યું છે.
તેમણે જણાવ્યું કે તૃણમૂલ કોંગ્રેસની એક મહિલા કાર્યકર્તા ચેહરો ઢાંકીને મત આપી રહ્યા છે. તેની ઓળખ કરવી મુશ્કેલ છે.
ઉલ્લેખનીય છે કે, આ પહેલા પણ બસીહારધાટના મતદાન કેન્દ્ર 189 પર વિરોધ પ્રદર્શન કરવામાં આવ્યું હતું. તેમણે આરોપ લગાવ્યો છે કે તૃણમૂલ કોંગ્રેસના કાર્યકર્તા તેમને મતદાન કરવાથી રોકી રહ્યા છે.
