રાજસ્થાન: એક સગર્ભા સ્ત્રીને આરામ કરવો જોઈએ. તેને પોતાના આવનાર બાળકની અને પોતાની સાર-સંભાળ રાખવી જોઈએ. જો કે, કોરોના વાઈરસના રોગચાળા અને લોકડાઉન વચ્ચે એક સાત મહિનાનો ગર્ભ ચલાવતી સ્ત્રીએ ઘરે પહોંચવાની આશામાં હજારો કિલોમીટરનું અંતરે ચાલીને કાપ્યું છે. જ્યારે નેતાઓ દાવો કરી રહ્યા છે કે, કોઈ પણ સ્થળાંતર કરનારા મજૂર ચાલીને ઘરે જઈ રહ્યા નથી.
7 મહિનાનો ગર્ભ ધરાવતી સોનેન્દ્રી દેવી છેલ્લા 10 દિવસથી પરિવાર સાથે સુરતથી ભરતપુર જઈ રહી હતી. જ્યારે તેને પૂછવામાં આવ્યું કે, કોઈએ તેને મદદ કરવા માટે પુછ્યું છે કે કેમ? આ વાતનો જવાબ આપતા તેને કહ્યું કે, કોઈએ તેની હાલત પર દયા નથી ખાધી. તેને બસ અથવા અન્ય કોઈ વાહન દ્વારા ઘરે પહોંંચાડવા માટે સહમત થયા ન હતા.
ઉત્તરપ્રદેશના કાસગંજનો આ પરપ્રાંતીય મજૂર પરિવાર બુધવારે ભરતપુર બોર્ડર પહોંચ્યો હતો. ત્રણ દિવસની રાજકીય તકરાર બાદ કોંગ્રેસ દ્વારા ભરતપુર જિલ્લાના ઉંચા નાગલા ખાતે આંતરરાજ્ય સરહદથી બુધવારે પરત ફરનારા કામદારોને તેમના વતનમાં લઈ જવા માટેની બસોને ઉત્તરપ્રદેશ સરકારે રાજ્યમાં પ્રવેશ આપવાનો ઈનકાર કરી દીધો હતો.
કોંગ્રેસના મહાસચિવ પ્રિયંકા ગાંધીએ જણાવ્યું હતું કે, જો યુપી સરકાર બસો પર ભાજપના ધ્વજ અને સ્ટીકરો લગાવવા માંગે છે, તો તેઓ લગાવી શકે છે. મજૂરો સુરક્ષિત ઘરે પહોંચે તેવું કોંગ્રેસ ઈચ્છે છે. તેમને પ્રચાર પ્રસારમાં કોઈ રસ નથી.
