તેલંગાણા: રાજ્યના નાલગોંડા જિલ્લાની એક વિચિત્ર ઘટનામાં એક યુવતિએ બે વાર લગ્ન કર્યા હોવાની વિગતો સામે આવી છે. પ્રથમવાર આ યુવતિએ તેના માતા પિતાએ પસંદ કરેલા યુવક સાથે લગ્ન કર્યા હતા અને બીજીવાર તેના પ્રેમી સાથે લગ્ન કર્યા હતા.
મોનિકા નામની આ યુવતિ એક યુવાનને પસંદ કરતી હતી પરંતુ માતા પિતાની ઈચ્છા વિરુદ્ધ જવાની હિંમત ન થતાં તેણે તેમની ઈચ્છા મુજબના યુવાન સાથે દબાણવશ લગ્ન કરવા પડ્યા. ગત 12 જૂનના રોજ તેના લગ્ન થયા હતા પરંતુ તેના પ્રેમીને આ વાતની જાણ થતાં મામલો ગરમાયો હતો અને પોલીસની દરમિયાનગીરી બાદ પ્રથમ લગ્ન રદ કરવામાં આવ્યા જે પછી બીજા દિવસે સવારે યુવતિએ તેના પ્રેમી સાથે ફરીવાર લગ્ન કર્યા.
