કોલકાતા: ઉત્તર દિનાજપુરના ચોપડામાં રવિવારે એક સ્કૂલની વિદ્યાર્થીની સાથે દુષ્કર્મ કરીને તેની હત્યા કરવામાં આવી હતી. ત્યારબાદ સ્થાનિકોએ એનએચ 31ને બ્લોક કરી તોડફોડ કરી હતી. 6 સરકારી બસો અને પોલીસ કારોને આગ ચાંપી દીધી હતી.
પોલીસે આ કેસમાં 16 લોકોની ધરપકડ કરી છે. પોલીસ સૂત્રો કહે છે કે, ઉત્તર દીનાજપુરના કલાગચ્છમાં મૃત કિશોરીના પોસ્ટમોર્ટમ રિપોર્ટમાં મોતનું કારણ ઝેરની અસર હોવાનું જાણવામાં આવ્યું છે. આ સાથે જ આ કેસમાં આરોપીની લાશ પણ ગટરમાંથી મળી આવી છે. કિશોરી શનિવાર સાંજથી ગુમ હતી. કિશોરીનો મૃતદેહ મળ્યા બાદ પરિવારજનોએ આ અંગે ચોપડા પોલીસ મથકે જાણ કરી હતી.
આ ઘટના બાદ સ્થાનિકોએ વિરોધ કરીને NH-31ને બ્લોક કર્યો હતો. કુલ 6 સરકારી બસો અને પોલીસની ગાડીઓની તોડફોડ કરવામાં આવી હતી અને આગ ચાંપી દેવામાં આવી હતી.
