3 લાખથી પણ વધું શિક્ષકોની આશા પર પાણી ફરી વળ્યું, નહીં મળે સમાન વેતન

પટના: બિહારમાં 2018થી સમાન વેતન માટેના નિર્ણયની રાહ જોઈ રહેલા 3 લાખ 70 હજાર શિક્ષકોની આશા પર પાણી ફરી વળ્યું છે. સુપ્રીમ કોર્ટે પટણા હાઈ કોર્ટનો નિર્ણય ફેરવી નાખ્યો છે. સુપ્રીમ કોર્ટમાં ડબલ બેન્ચના જજ અભય મનોહર સપ્રે તથા યૂ યૂ લલિતેની કોર્ટે સુનાવણી કરી હતા. સુપ્રીમ કોર્ટે બિહાર સરકારની અપિલને માન્ય રાખી છે.

શું આ સમગ્ર મામલો
હકીકતમાં જોઈએ તો 31 ઓક્ટોબર 2017માં પટના હાઈકોર્ટમાં શિક્ષકોના પક્ષમાં નિર્ણય આપતા બિહાર સરકારને સમાન વેતન આપવા આદેશ આપ્યો હતો. ત્યાર બાદ બિહાર સરકાર સુપ્રીમ કોર્ટમાં ગઈ હતી.જેને લઈ શિક્ષકોએ એક અરજી દાખલ કરી હતી અને કહ્યું હતું કે, સમાન કામ માટે સમાન વેતન મળવું જોઈએ.

એક વર્ષ સુધી સુનાવણી ચાલી હતી
લગભગ એક વર્ષ સુધી સુપ્રીમ કોર્ટમાં આ અંગેની સુનાવણી ચાલી હતી. ત્યાર બાદ 3 ઓક્ટોબર 2018ના રોજ આ અંગેનો નિર્ણય સુરક્ષિત રાખો હતો.

શિક્ષકોની ભરતી પણ થતી નથી
આપને જણાવી દઈએ કે, આ નિર્ણયની રાહમાં બિહારમાં શિક્ષોકની ભરતી પણ થતી નથી. બિહારમાં અસંખ્ય સ્કુલોમાં શિક્ષોકની જગ્યા ખાલી છે જે ભરાતી નથી. સમાન કામ સમાન વેતનને કારણે બિહારમાં સરકારે શિક્ષકોની ભરતી પર રોક લગાવેલી હતી.