મુંબઈ: દિવંગત એક્ટર સુશાંત સિંહ રાજપૂત કેસમાં ડ્રગ્સ એંગલથી તપાસ માટે CBI અને EDની સાથે NCBની ટીમ પણ તપાસ માટે જોડાઇ છે. જે અંતર્ગત NCBની ટીમ સુશાંતની ગર્લફ્રેન્ડ રિયા ચક્રવર્તીની સતત પૂછપરછ કરી રહી છે.
રિયાના માધ્યમથી NCBની ટીમે બૉલીવુડના 25 સિતારાઓના નામની યાદી તૈયાર કરી છે. જે લોકોના નામ ડ્રગ્સ કનેક્શનમાં સામેલ છે.
રિયા ઉપરાંત દીપેશ સાવંત અને સૈમુઅલ મિરાંડાએ પણ એવા અભિનેતાઓના નામ લીધા છે જે લોકો ડ્રગ્સ કનેક્શન સાથે જોડાયેલા છે. આ લોકોને જલ્દી જ NCB દ્વારા સમન મોકલવામાં આવી શકે છે.
આ પહેલા રવિવારે NCBએ અભિનેત્રી રિયા ચક્રવર્તીની કલાકો સુધી પૂછપરછ કરી હતી. સોમવારે પણ NCBએ રિયા ચક્રવર્તીની પૂછપરછ કરી હતી.
ઉલ્લેખનીય છે કે, 5 સપ્ટેમ્બરે રિયાના ભાઇ શોવિક ચક્રવર્તી, સુશાંતના હાઉસ મેનેજર સૈમુઅલ મિરાંડા અને હાઉસ હેલ્પર દીપેશ સાવંતની પણ ધરપકડ કરવામાં આવી હતી અને 9 સપ્ટેમ્બર સુધી NCBની કસ્ટડીમાં મોકલવામાં આવશે.
