અંતિમ તબક્કાનું મતદાન પૂર્ણ, PM મોદીનું ભાવી EVMમાં કેદ

ન્યૂઝ ડેસ્ક:  દેશના 8 રાજયોમાં 59 સીટ પર યોજાયેલું અંતિમ તબક્કાનું મતદાન પુર્ણ થઇ ગયું છે. લોકસભા ચૂંટણી 2019ના અંતિમ તબક્કાનું મતદાન શરુઆતથી જ ચર્ચામાં રહ્યું હતું. અંતિમ તબક્કાનાં મતદાનમાં મતદાતાઓમાં ભારે ઉત્સાહ જોવા મળી રહ્યો હતો, પશ્ચિમ બંગાળ ખાતે સૌથી વધુ અને બિહાર ખાતે સૌથી ઓછુ મતદાન નોંધાયુ.

અંતિમ તબક્કાના મતદાનમાં થયેલી મહત્વની ઘટનાઓ પર એક નજર

• પશ્ચિમ બંગાળનું મતદાન ચર્ચાસ્પદ રહ્યું હતુ, બૂથ પર હિંસા અને અથડામણ જોવા મળી હતી.
• ભટીંડાના 112 નંબર પોલીંગ બૂથ પર બે જુથ વચ્ચે અથડામણ, ગોળીબારમાં એક કોગી કાર્યકર્તાનું મોત થયુ હતું.
• વિશ્વના સૌથી ઉંચા મતદાન કેન્દ્ર તાશીગાંગ પર મતદાન કરવામાં આવ્યું હતું.
• પટણામાં માથાથી જોડાયેલી બે જુડવા બહેનોએ પ્રથમ વખત મતદાન કર્યુ હતુ.
• બિહાર લોકસભાના ઉમેદવાર તેજપ્રતાપ યાદવની ગાડી પર હુમલો થયો હતો, આ બાબતની FIR પણ નોંધવામાં આવી છે.
• પંજાબના મુખ્યપ્રધાન કેપ્ટન અમરિંદરસિંહે પટિયાલા લોકસભાના 89 નંબરના બૂથ પર મતદાન કર્યુ હતુ.
• પશ્ચિમ બંગાળના મુખ્યપ્રધાન મમતા બેનર્જીએ મતદાન કર્યુ હતું.
• પટના સાહીબથી ઉમેદવાર શત્રુધ્નસિંહાએ મત આપ્યો
• કોંગ્રેસ નેતા નવજોતસિંહ સિદ્ધુએ પત્ની સાથે મતદાન કર્યુ હતુ
• ઈન્દોરમાં લોકસભાના સ્પીકર સુમિત્રા મહાજને મતદાન કર્યુ હતુ.
• હિમાચલ પ્રદેશના મુખ્યપ્રધાન જયરામ ઠાકુરે કર્યુ મતદાન જયરામ ઠાકુરે મતદાન કર્યુ હતુ.
• ઉત્તર પ્રદેશના મુખ્યપ્રધાન યોગી આદિત્યનાથે આજે મતદાન કર્યુ હતુ.
• ભારતના પહેલા મતદાર શ્યામ સરન નેગીએ શીમલા ખાતેથી મતદાન કર્યુ હતું
• બિહારના નાયબ મુખ્યમંત્રી અને ભાજપના નેતા સુશીલ મોદીએ મતાધિકારનો ઉપયોગ કર્યો હતો
• પંજાબમાં ક્ર્રિકેટર હરભજન સિંહે મતદાન કર્યુ હતું

સાતમાં અને અંતિમ તબક્કામાં 8 રાજ્યોની 59 સીટ પર મતદાન યોજાયું હતું જેમાં પંજાબ અને ઉત્તર પ્રદેશની 13-13 સીટ, બિહાર અને મધ્ય પ્રદેશની 8-8, ઝારખંડની 3, પશ્ચિમ બંગાળની 9, હિમાચલ પ્રદેશની 4 અને ચંદીગઢની 1 સીટ સામેલ હતી.

કઇ સીટ પર થયું મતદાન

1. ઉત્તર પ્રદેશ - મહારાજાગંજ, ગોરખપુર, કુશીનગર, દેવરીયા, બાંસગાંવ, ધોસી, સલેમપુર, બલિયા, ગાજીપુર, ચંદૌલી, વારાણસી, મિર્ઝાપુર અને રોબર્ડસગંજ
2. મધ્ય પ્રદેશ - દેવાસ, ઉજ્જૈન, મંદસૌર, ખરગૌન, ખંડવા, રતલામ અને ધાર
3. બિહાર - નાલંદા, પટના સાહિબ, પાટલિપુત્ર, આરા, બક્સર, સાસારામ, કારકટ અને જહાનાબાદ
4. પંજાબ - ગુરદાસપુર, અમૃતસર, જાલંધર, હોશિયારપુર, આનંદપુર, લુધિયાના, ફતેગઢ સાહિબ, ફરીદકોટ, ફિરોજપુર, બઠિંડા, સંગરુર, પટિયાલા અને ખડુર સાહિબ
5. પશ્ચિમ બંગાળ - દમદમ, બારાસાત, બશીરહાટ, જયનગર, મથુરાપુર, ડાયમંડ હાર્બર, જાધવપુર, કોલકાતા દક્ષિણ અને કોલકાતા ઉત્તર
6. ઝારખંડ - રાજમહલ, દુમકા, ગોડ્ડા
7. અને, હિમાચલ પ્રદેશની 4 અને ચંદીગઢની 1 સીટ સામેલ હતી.

ક્યાં કેટલું મતદાન નોંધાયુ

• બિહાર- 49.92 ટકા
• હિમાચલ પ્રદેશ- 66.18 ટકા
• મધ્ય પ્રદેશ- 69.38 ટકા
• પંજાબ- 58.81 ટકા
• ઉત્તર પ્રદેશ- 54.37 ટકા
• પશ્ચિમ બંગાળ- 73.05 ટકા
• ઝારખંડ- 70.5 ટકા
• ચંદીગઢ- 63.57 ટકા

આ રીતે 542 ઉમેદવારોની સીટ માટે મતદાન પૂર્ણ થઇ ગયુ છે. હવે 23 તારીખે મતગણતરી થયા બાદ જોવાનું રહ્યું કે કોણ બને છે ભારતનું આવનારુ ભવિષ્ય.