નવી દિલ્હી : વડાપ્રધાન નરેન્દ્ર મોદી અને અમેરિકાના પ્રેસિડેન્ટ ડોનાલ્ડ ટ્રમ્પે ફોન પર કોરોના વાઇરસ સામેની લડત વિશે વાતચીત કરી હતી. આ તકે ટેલિફોનિક વાતચીતમાં વડાપ્રધાને ટ્રમ્પને કહ્યું હતું કે અમે કોરોના વાઇરસ સામેની લડતમાં ભારત-અમેરિકા ભાગીદારીની સંપૂર્ણ શક્તિનો ઉપયોગ કરવા સહમત થયા છીએ.
ઇઝરાઇલના વડા પ્રધાન બેન્જામિન નેતન્યાહૂએ શુક્રવારે તેમના ભારતીય સમકક્ષ નરેન્દ્ર મોદી સાથે કોરોના વાઇરસને પહોંચી વળવા વિવિધ પગલાઓ અંગે ચર્ચા કરી હતી. બંને નેતાઓએ દવાઓના પુરવઠામાં સુધારો કરવા અને ઉચ્ચ તકનીકીના નવીન ઉપયોગ અંગે પણ દ્વિપક્ષીય સહકારની ચર્ચા કરી હતી.
