નવી દિલ્હીઃ વડાપ્રધાન મોદી આજે અમેરિકા-ભારત વ્યાપાર પરિષદ (યૂએસઆઈબીસી)ના 'ઈન્ડિયા આઈડિયા સમિટ'માં સંબોધન કરશે. યૂએસઆઈબીસીની 45મી વર્ષગાંઠ પર આયોજીત આ શિખર સંમેલન પર દુનિયાભરના લોકોની નજર રહેશે.
શિખર સંમેલન દરમિયાન કોરોના મહામારી બાદની દુનિયામાં ભારત-અમેરિકાના સહયોગ અને તેમના સંબંધો પર ચર્ચા થશે.
PMO દ્વારા મંગળવારે એક જાહેર કરાયેલા નિવેદન અનુસાર આ વર્ષે 'ઈન્ડિયા આઈડિયા સમિટ' નો વિષય સારા ભવિષ્યનું નિર્માણ હશે.
નિવેદનમાં કહેવામાં આવ્યું હતું કે, શિખર સંમેલનમાં ભારત અને અમેરિકા સરકારનું શીર્ષ નીતિ-નિર્માતા, અધિકારી અને વ્યાપાર તથા સમાજના વિચારકો હાજર રહેશે.
આ વર્ષના શિખર સંમેલનને સંબોધન કરવાવાળા ભારતના વિદેશ પ્રધાન એસ.જયશંકર, અમેરિકાના વિદેશ પ્રધાન માઈક પોમ્પિઓ, વર્જીનિયાના સીનેટર માર્ક વોર્નર અને સંયુક્ત રાષ્ટ્રમાં અમેરિકાના પૂર્વ રાજદૂત નિક્કી હેલી ભાગ લેશે.
નિવેદનમાં વધુમાં કહેવામાં આવ્યું છે કે, ' શિખર સંમેલનમાં મહામારી બાદની દુનિયામાં ભારત-અમેરિકા સહયોગ અને બન્ને દેશો વચ્ચે ભવિષ્યના સંબંધો પર ચર્ચા થશે.'
