નવી દિલ્હી: મજલિસ પાર્ક મેટ્રો સ્ટેશન પાસે અતિક્રમણ વિરુદ્ધ પાકિસ્તાનીઓ દ્વારા દાખલ કરેલી અરજી પાછી ખેંચાઈ

ઉત્તર-પૂર્વ દિલ્હીના મજલિસ પાર્ક સ્ટેશન નજીક સંરક્ષણ મંત્રાલયની ખાલી પડેલી જમીન પર ઝૂંપડપટ્ટીઓના અતિક્રમણને દૂર કરવાની માગ કરતી અરજીને દિલ્હી હાઈકોર્ટમાંથી પાછી ખેંચી લેવામાં આવી છે. મુખ્ય ન્યાયાધીશ ડી.એન. પટેલની અધ્યક્ષતાવાળી ખંડપીઠે અરજદારોને કહ્યું કે, સંરક્ષણ મંત્રાલય એક ખૂબ મોટું સંગઠન છે અને તે ફરિયાદની તપાસ કરશે.

નવી દિલ્હી: કેસની સુનાવણી દરમિયાન અરજદાર અને વકીલ અભિષેક શર્માએ અતિક્રમણની CBI તપાસની માગ કરી હતી. કોર્ટે કહ્યું કે, સંરક્ષણ મંત્રાલય એક મોટી સંસ્થા છે અને તે તેની જમીન પરના અતિક્રમણને દૂર કરવામાં સક્ષમ છે. ત્યારબાદ અરજદારે અરજી પાછી ખેંચવાની પરવાનગી માગી હતી, જેને કોર્ટે સ્વીકારી લીધી હતી.

આ અરજી વકીલ અભિષેક શર્મા દ્વારા દાખલ કરવામાં આવી હતી. અરજીમાં જમીન પરના અતિક્રમણની CBI તપાસની માગ કરવામાં આવી હતી. અરજીમાં કહેવામાં આવ્યું કે આ ઝૂંપડપટ્ટીમાં રહેતા લોકો પાકિસ્તાની છે. આ લોકો ભારતમાં આશ્રય લેવા માગે છે. અહીં કેટલાક લોકો ઝૂંપડપટ્ટીની ખરીદી કરીને વિસ્તરણ કરી રહ્યાં છે. સ્થાનિક કોર્પોરેશનના કાઉન્સિલરો અને કેટલાક ધારાસભ્યો પણ આ કામમાં સામેલ છે.

અરજીમાં માગ કરવામાં આવી છે કે, આ ઝૂંપડપટ્ટીના વિસ્તરણ માટે જવાબદાર અધિકારીઓની તપાસ CBI દ્વારા કરવામાં આવે અને તેમની સામે ફરિયાદ દાખલ કરવામાં આવે.