પટના: બિહારના અભિનેતા પંકજ ત્રિપાઠીને રાજ્યમાં ખાદીના પ્રચાર પ્રસાર માટે બિહારના બ્રાંડ એમ્બેસેડર બનવવામાં આવ્યા છે. રાજયના ઉદ્યોગ પ્રધાન શ્યામ રજકએ આ માહિતી આપી હતી. તેમના કેહવા પ્રમાણે, અભિનેતાએ બ્રાંડ એમ્બેસેડર બનવા માટેનું આમંત્રણ સ્વીકાર્યું હતું. તેમજ આ સમ્માન માટે ઉદ્યોગ પ્રધાનને આભાર વ્યક્ત કર્યો હતો.
બિહાર રાજ્ય ખાદી ગ્રામોદ્યોગ બોર્ડે બિહાર સરકારના ઉદ્યોગ વિભાગની એક સંસ્થા છે. આ સંસ્થા રાજ્યમાં ખાદીના કપડાઓનું ઉત્પાદન તેમજ વહેચાણ માટે રાજ્ય સરકાર દ્વારા ચલાવવામાં આવતી વિવિધ યોજનાઓનું અમલીકરણ કરે છે.
મધુબનીની ખાદી દેશભરમાં પ્રસિદ્ધ છે. જેને પ્રોત્સાહન આપવામાં આવે છે. ખાદી અને ખાદી મૉલનું સારી રીતે પ્રચાર પ્રસાર થાય તે માટે અભિનેતા પંકજ ત્રિપાઠીને બિહાર ખાદી અને ખાદી મૉલના બ્રાંડ એમ્બેસેડર બનાવવામાં આવ્યા છે.
અભિનેતાની વર્કફ્રન્ટની વાત કરવામાં આવે તો, તે મોસ્ટ પોપ્યુલર સિરીઝ 'મિર્ઝાપુર'ની સિઝનમાં કાલીન ભૈયાના પાત્રમાં જોવા મળશે. તેના સિવાય તે કૃતિ સેનોનની સાથે ‘મિમી’, જાહ્નવી કપૂરની સાથે ‘ગુંજન સક્સેના: ધ કારગિલ ગર્લ’ અને જ્હોન અબ્રાહમ સાથે ‘મુંબઈ સાગા’માં જોવા મળશે.
