રાષ્ટ્રપતિ કોવિંદ સોમવારથી આઈસલેન્ડ, સ્વિટ્ઝરલેન્ડ અને સ્લોવેનિયાની યાત્રા ઉપર જશે. આ યાત્રામાં તેઓ ભારતની વર્તમાન સ્થિતિ અંગે જાણકારી આપશે.
આ પ્રવાસ માટે રાષ્ટ્રપતિના વિમાને પાકિસ્તાનના એર સ્પેસમાંથી પસાર થવું પડે. એરસ્પેસ ખોલવાના ભારતના પ્રસ્તાવનો પાકિસ્તાને અસ્વિકાર કર્યો છે. કાશ્મીર મુદ્દાના કારણે તણાવ હોવાથી વડાપ્રધાન ઈમરાનખાને આ નિર્ણય લીધો હતો.
પુલવામા આતંકવાદી હુમલામાં ભારતના 40 જવાનો શહીદ થયા હતાં. આ હુમલાના જવાબમાં ભારતીય સેનાએ બાલકોટમાં જૈશ-એ-મોહમ્મદના આંતકવાદી ઠેકાણાઓને નષ્ટ કર્યા હતાં. ત્યાર બાદ પાકિસ્તાને 26 ફેબ્રુઆરીથી પોતાનો હવાઈ ક્ષેત્ર બંધ કરી દીધો હતો.
