નવી દિલ્હીઃ વર્તમાનમાં દિલ્હીમાં 26,148 એક્ટિવ કેસ સામે આવ્યા છે અને આ સંખ્યા સતત વધી રહી છે. છેલ્લા 24 કલાકમાં 2520 નવા પોઝિટિવ કેસ સામે આવ્યા છે.
કોરોના સંક્રમિતોની સંખ્યા વધવાની સાથે દિલ્હીમાં મૃત્યુઆંક પણ વધી રહ્યો છે. છેલ્લા 24 કલાકમાં દિલ્હીમાં 59 લોકોના મોત થયા છે. આ સાથે દિલ્હીમાં કોરોના મૃતકોની સંખ્યા 2923 થઇ ગઇ છે.
તો બીજી તરફ દિલ્હીમાં 2617 લોકો છેલ્લા 24 કલાક દરમિયાન સ્વસ્થ પણ થયા છે. 65, 624 લોકો અત્યાર સુધીમાં કોરોનાથી સ્વસ્થ થયા છે.
દિલ્હી સરકાર દ્વારા જાહેર કરાયેલા હેલ્થ બુલેટિન માં જણાવવામાં આવ્યું છે કે છેલ્લા 24 કલાકમાં 24165 ટેસ્ટ કરવામાં આવ્યા છે. છેલ્લા 24 કલાક દરમિયાન RT PCR દ્વારા 10577 ટેસ્ટ અને 13588 એન્ટી જન ટેસ્ટ થયા છે.
