મહારાષ્ટ્રઃ પુના-મુંબઇ હાઇવે પર ત્રણ મોટરસાયકલ વડે રવિવાર મધ્યરાત્રીના સમયે 6 લોકો અલીબાગ તરફ જઈ રહ્યાં હતાં. આ દરમિયાન ખંડાલા વિસ્તારમાં એક આઇસર ટ્રકે તેમને અડફેટે લીધા હતા. આ આકસ્માતમાં 5 મોટરસાયકલ સવારોના ઘટનાસ્થળે જ મોત નિપજ્યા હતાં, જ્યારે એક વ્યક્તિનો ચમત્કારિક બચાવ થયો હતો.
પૂના-મુંબઇ હાઇવે પર સર્જાયો ગમખ્વાર અકસ્માત, 5 લોકોના મોત
ઉલ્લેખનીય છે કે, આ અકસ્માત બાદ હાઇવે પરનો ટ્રાફિક થોડા સમય માટે ખોરવાયો હતો. આ અકસ્માત થયા બાદ આઇસર ચાલક ફરાર થઈ ગયો હતો. હાલ પોલીસ તેની શોધખોળ કરી રહી છે.
