PM મોદીએ જણાવ્યું કે, " છેલ્લા ત્રણ દિવસથી અલવરના એક સમાચાર સામે આવ્યા છે. જ્યાં બે અઠવાડીયા પહેલા એક દલિત યુવતી સાથે કેટલાક નરાધમોએ બળાત્કાર ગુજાર્યો હતો, પરંતુ આ નરાધમોની ધરપકડ કરવાને બદલે પોલીસ અને કોંગ્રેસ સરકાર કેસને દબાવવાનો પ્રયાસ કરી રહી છે.
અલવર દુષ્કર્મ મામલે મોદીના કોંગ્રેસ પ્રહાર, પૂછ્યું- કેમ ચુપ છે એવોર્ડ વાપસી ગેંગ
તેઓએ જણાવ્યું કે, "કોંગ્રેસ નથી ઇચ્છતી કે, ચૂંટણી પહેલા આ સમાચાર બહાર આવે અને તેથી જ આ ઘટનાને દબાવવાનો પ્રયાસ થઇ રહ્યો છે. જેને ન્યાય મળવો જોઇએ, તેને ન્યાય અપાવવાને બદલે કોંગ્રેસ ચૂંટણીમાં પોતાની શાખ બચાવવાનો પ્રયાસ કરી રહી છે.
વધુમાં PM મોદીએ જણાવ્યું કે, તેઓએ આ ઘટનાને દબાવવાનો પ્રયત્ન કર્યો છે. હું એવાર્ડ વાપસી ગેંગને પૂછવા માગું છું કે, અલવરની પુત્રી સાથે બળાત્કાર થયો તો પણ તમે કેમ ચૂપ છો?
