બારામુલા: જમ્મુ-કાશ્મીરના બારામુલા જિલ્લાના સોપોરમાં એક મોટો આતંકી હુમલો થયો છે, જેમાં CRPFના 3 જવાન શહીદ થયા છે. આ સિવાય 3 સુરક્ષાકર્મીઓ પણ ઘાયલ થયા છે. આ હુમલો આતંકીઓએ સોપોરમાં CRPF અને પોલીસની સંયુક્ત નાકા પાર્ટી પર કર્યો છે.
આ આતંકી હુમલામાં બાદ ઘાયલ જવાનોને નજીકની હોસ્પિટલમાં દાખલ કરવામાં આવ્યાં છે, જ્યાં તેમની સારવાર ચાલી રહી છે. આ આતંકી હુમલા બાદ સુરક્ષા દળએ સમગ્ર વિસ્તારમાં સર્ચ ઓપરેશન હાથ ધર્યું છે.
મહત્વનું છે કે, આ પહેલા પણ શુક્રવારે આતંકીઓએ જમ્મુ-કાશ્મીરના પુલવામાના નેવામાં હુમલો કર્યો હતો. જેમાં CRPF અને પોલીસની સંયુક્ત શિબિરને નિશાન બનાવ્યું હતું. આ હુમલામાં CRPFનો એક જવાન ઘાયલ થયો હતો. જેને પગમાં ગોળી વાગી હતી.
