પુત્રના કોપી કેસ પર જીતુ વાધાણીની પ્રતિક્રિયા, કાયદાકીય પગલા લેવાશે

ન્યૂઝ ડેસ્ક: ગુરુવારે ગુજરાત ભાજપના પ્રદેશ પ્રમુખ જીતુ વાઘાણીના પુત્ર મિત વાઘાણીને ભાવનગરની એમ.જે કોલેજમાં પરીક્ષામાં 27 કાપલીઓ સાથે પકડી પાડતા આ સમગ્ર મામલે પ્રદેશમાં રાજકીય રંગ આપવામાં આવી રહ્યો છે.

આ બાબતે પ્રદેશ અધ્યક્ષ વાઘાણીએ પ્રતિક્રિયા આપતા કહ્યું છે કે, કાયદા પ્રમાણે જે પણ યોગ્ય હશે તે પગલા લેવાશે. કાયદો કાયદાનું કામ કરશે. જોકે, ગુરુવારે એમ.જે કોલેજના કુલપતીએ આ બાબતને નકારી હતી અને કોપીકેસ કરતા વિદ્યાર્થીઓના નામ જાહેર કરવાનો ઇન્કાર કર્યો હતો.

અહીં આપને જણાવી દઈએ કે, પરીક્ષાઓમાં અનેક કોપી કેસ થતાં હોય છે, પણ આ બાબતમાં જરા અલગ એંગલથી જોવામાં આવી રહ્યું છે, કારણ કે, કોપી કેસમાં પકડાયેલો વિદ્યાર્થી બીજું કોઈ નહીં પણ ભાજપ પ્રદેશ અધ્યક્ષ જીતુ વાઘીણીનો પુત્ર છે. તેથી આ બાબતે રાજકીય રંગ આપવાનું કામ પણ થઈ રહ્યું છે.