દક્ષિણ એશિયાની એશિયન અમેરિકન્સ લીડિંગ ટુગેધરે કરેલા સર્વે અનુસાર અમેરિકામાં ઓછામાં ઓછી ભારતીયોની 6,30,000 વસ્તી છે, જેઓના કોઇ પ્રકારનો દસ્તાવેજનો રેકોર્ડ જ નથી. જ્યારે વર્ષ 2010થી 72 ટકા ભારતીયોની વસ્તીમાં વધારો જોવા મળ્યો છે. ગેરકાયદેસર રીતે ભારતીયોની સંખ્યામાં વધારો થયો છે, ભારતીયોના વિઝા પૂર્ણ થવા છતાં પણ 2.50 લાખ ભારતીયો અમેરિકામાં ગેરકાયદે વસવાટ કરે છે.
વર્ષ 2010 બાદ અમેરિકામાં નેપાળના 206.06 ટકા, ભારતીયો 38 ટકા, ભૂટાન 38, પાકિસ્તાન 33 ટકા, બાંગ્લાદેશ 26 ટકા અને શ્રીલંકાના 15 ટકા વસ્તીનો અમેરિકામાં વધારો નોંધવામાં આવ્યો છે. રીપોર્ટ અનુસાર એશિયાઇ અમેરિકન નાગરિકોની આવકમાં સતત વઘારો થયો છે. અમેરિકામાં લગભગ 50 લાખ દક્ષિણ એશિયાઇ નાગરિકોમાંથી એક ટકા જ વસ્તી ગરીબી રેખા હેઠળ જીવી રહી છે.
