દિલ્હીનાં ચૂંટણી દંગલની તારીખો જાહેરઃ 8 ફેબ્રુઆરીએ મતદાન 11મીએ પરિણામ

નવી દિલ્હીઃ ચૂંટણી પંચે દિલ્હી વિધાનસભાની ચૂંટણીઓની રૂપરેખા જાહેર કરી છે. દેશના પાટનગરની 70 વિધાનસભા બેઠકો ઉપર ફેબ્રુઆરીમાં ચૂંટણીઓ યોજાશે. 8 ફેબ્રુઆરીએ મતદાન થશે અને 11 ફેબ્રુઆરીએ મતગણતરી હાથ ધરવામાં આવશે. તારીખોની જાહેરાત સાથે જ આજથી દિલ્હીમાં આદર્શ આચારસંહિતાનો અમલ શરૂં થઈ ગયો છે.

મહત્વપૂર્ણ તારીખો

• 14 જાન્યુઆરીથી ઉમેદવારીપત્રો ભરાવવાનું શરૂ થશે
• 21 જાન્યુઆરીએ ઉમેદવારીપત્ર ભરવાવની છેલ્લી તારીખ
• 8 ફેબ્રુઆરીએ મતદાન
• 11 ફેબ્રુઆરીએ મતગણતરી

દિલ્હી વિધાનસભાની ચૂંટણી માટે રાજકીય પક્ષોએ કમર કસી છે. ભારતીય જનતા પાર્ટીએ વિકાસના મુદ્દે ચૂંટણી લડવાની વાત કરી છે તો દિલ્હી કોંગ્રેસ અધ્યક્ષ સુભાષ ચોપડાએ દિલ્હીમાં સત્તા મેળવશે તેવો દાવો કર્યો છે.