જમ્મુ-કાશ્મીરઃ હંદવાડા અથડામણમાં કર્નલ અને મેજર સહિત 5 જવાન શહીદ, 2 આતંકી ઠાર

ઉત્તર કાશ્મીરના હંદવાડા વિસ્તારના એક ગામમાં આતંકીઓ સાથેની અથડામણમાં એક કર્નલ અને મેજર સહિત 5 સુરક્ષાકર્મીઓ શહીદ થયા છે. આ અથડામણમાં સુરક્ષાકર્મીઓએ બે આતંકીઓને ઠાર માર્યા છે.

શ્રીનગરઃ ઉત્તર કાશ્મીરના હંદવાડ વિસ્તારના એક ગામમાં આતંકીઓ સાથેની અથડામણમાં એક કર્નલ અને મેજર સહિત 5 સુરક્ષાકર્મીઓ શહીદ થયા છે.

આ અથડામણમાં 21 રાષ્ટ્રીય રાઇફલ્સ યૂનિટના કમાંડિંગ ઓફિસર કર્નલ આશુતોષ શર્મા શહીદ થયા છે. તે પહેલા પણ કેટલાય સફળ આતંકી વિરોધી ઓપરેશન્સનો ભાગ રહ્યા હતા.

અધિકારીઓએ રવિવારે જણાવ્યું કે, હંદવાડાના ચાંજમુલ્લા વિસ્તારમાં થયેલી અથડામણમાં આતંકવાદી પણ માર્યા ગયા છે. આ વિસ્તાર ઉત્તર કાશ્મીરના કુપવાડા જિલ્લાનો ભાગ છે.

વધુમાં તેમણે જણાવ્યું કે, સેનાના અધિકારી આતંકીઓ દ્વારા બંધક બનાવવામાં આવેલા નાગરિકોને બચાવવા જઇ રહેલી ટીમનું નેતૃત્વ કરી રહ્યા હતા.