કોલકાતા: વડાપ્રધાન નરેન્દ્ર મોદી સાથે મુખ્યપ્રધાનોની બેઠક બાદ પશ્ચિમ બંગાળના સીએમ મમતા બેનર્જીએ કેન્દ્ર સરકાર પર આકરા પ્રહાર કર્યા હતા. તેમણે કહ્યું કે, એક તરફ કેન્દ્ર સરકાર કહે છે કે લોકડાઉનનું કડક પાલન કરવામાં આવે, બીજી તરફ તે દુકાનો ખોલવાનું કહે છે. જો આપણે દુકાન ખોલીશું, તો લોકડાઉન કેવી રીતે ચાલશે.
સીએમ મમતાએ કહ્યું, બંને બાબતો એક સમયે કેવી રીતે થઈ શકે છે, હું દુકાન ખોલવાની પરવાનગી પણ આપું પછી લોકોને દુકાનમાં ન જવા કહું.
વળી, સીએમ મમતાએ એમ પણ કહ્યું કે, પીએમ મોદીની બેઠકમાં ઘણા મુખ્યપ્રધાનોને બોલવાની તક આપવામાં આવી નહોતી. તેમણે કહ્યું કે, વડાપ્રધાન સાથે બેઠક થઈ હતી, પરંતુ મને બોલવાની તક આપવામાં આવી નથી.
