ચુરુ (રાજસ્થાન): જિલ્લામાં 22 વર્ષીય યુવતીએ ચુરુના મહિલા પોલીસ સ્ટેશનમાં દુષ્કર્મની ફરિયાદ નોંધાવી હતી. પીડિતાની ફરિયાદ પર આરોપી યુવક મુકેશ ઉર્ફે રામેશ્વરલાલ વિરુદ્ધ પોલીસે આઈપીસીની કલમ 384, 506, 354, 376 (2) હેઠળ ગુનો નોંધ્યો હતો. પોલીસે આરોપી યુવકની શોધખોળ શરૂ કરી હતી. મહિલા પોલીસ મથકમાં કેસ નોંધ્યો બાદ પીડિતાનું મેડિકલ ચેકઅપ કરાવવામાં આવ્યું હતું. પોલીસને મળેલી માહિતી અનુસાર આરોપી યુવક યુવતીના ઘરે અવારનવાર જતો હતો.
પીડિતાએ તેને પોતાનો ભાઇ માન્યો હતો, પરંતુ આરોપી યુવક યુવતી પર ખરાબ નજર હતી. આરોપી યુવતીને તેની જાળમાં ફસાવવા વિવિધ યુક્તિઓનો ઉપયોગ કરતો હતો. એક દિવસ આરોપીએ યુવતીને માદક પીણું પીવડાવી તેની સાથે દુષ્કર્મ આચર્યું હતું. જ્યારે યુવતીએ આરોપીને તેની ફરિયાદ તેના પરિવારના સભ્યોને જણાવવાનું કહ્યું ત્યારે, આરોપીએ પીડિતાને લગ્નનું વચન આપી ત્યારથી આરોપી પીડિતાનું વારંવાર શોષણ કરતો રહ્યો.
યુવતીનો આરોપ છે કે, આ સમય દરમિયાન સોનાની ચેન અને 90 હજારની છેતરપિંડી કરી હતી. આ ઘટના અંગે મહિલા પોલીસ સ્ટેશન દ્વારા તપાસ હાથ ધરાઇ છે.