મહારાષ્ટ્રમાં વિધાનસભાની ચૂંટણીના પરિણામ આવ્યા બાદ ત્યાં સત્તા સંઘર્ષ વધું ગૂંચવાતો જાય છે. ત્યારે આજે ભાજપના ધારાસભ્યોની એક બેઠક મુંબઈમાં મળવા જઈ રહી છે. આ બેઠકમાં દેવેન્દ્ર ફડણવીસ ભાજપના ધારાસભ્ય દળના નેતા તરીકે વરણી થાય તેવી સંભવાના છે.
મહારાષ્ટ્ર ભાજપ વિધાનસભા પક્ષના નેતા તરીકે દેવેન્દ્ર ફડણવીસની વરણી
અહીં ઉલ્લેખનીય છે કે, હાલમાં ફડણવીસે કહ્યું હતું કે, આગામી પાંચ વર્ષ માટે મહારાષ્ટ્રના મુખ્યપ્રધાન તરીકે પોતે જ સ્થાપિત થશે. આપને જણાવી દઈએ કે, ચૂંટણીના પરિણામ આવ્યા બાદ ભાજપ અને શિવસેના વચ્ચે ખેંચતાણ વધી ગઈ છે. ત્યારે આજની આ બેઠક પર સૌની નજર રહેશે, જો કે, બેઠકમાં ભાજપ અધ્યક્ષ અમિત શાહ હાજર નહીં રહે.
