ગણતંત્ર દિવસ પરેડઃ પશ્ચિમ બંગાળના પ્રદર્શનને મંજૂરી નહીં

નવી દિલ્હીઃ ગણતંત્ર દિવસે પરેડ માટે આવેલા 56 પ્રસ્તાવોમાંથી 22 પ્રસ્તાવો પસંદ કરાયા છે. રાજ્ય અને કેન્દ્રશાસિત પ્રદેશોના 16 અને કેન્દ્રીય મંત્રાલયોના 6 પ્રસ્તાવ છે. જે રાજ્યોના પ્રદર્શન માટે સશક્ત ન ગણાયા, તેમાં પશ્ચિમ બંગાળનો પણ સમાવેશ થાય છે. રક્ષા મંત્રાલયે આ જાણકારી આપી છે.

રક્ષા મંત્રાલયે પશ્ચિમ બંગાળના પ્રદર્શનને મંજૂરી આપી નથી. આ નિર્ણય વિશેષજ્ઞોની સમિતિમાં લેવાયો છે. 26 જાન્યુઆરીએ ગણતંત્ર દિવસના પ્રસંગે દિલ્હીમાં અલગ-અલગ રાજ્યોના પ્રદર્શન કરાય છે.

મંત્રાલયના અનુસાર પ્રદર્શનના પ્રસ્તાવો વિશેષજ્ઞની સમિતિ પાસે 2 વાર મોકલાયા હતા. જેમાં પશ્ચિમ બંગાળ પર પણ ચર્ચા કરવામાં આવી હતી. પરંતુ તે પ્રસ્તાવ નામંજૂર કરી દેવામાં આવ્યો હતો. સમિતિએ આ પ્રસ્તાવની બેઠક ફરી ન કરવાનો નિર્ણય લીધો છે. રક્ષા વિભાગને કેન્દ્રીય પ્રદેશોના પ્રદર્શનના 32 અને કેન્દ્રીય મંત્રાલયો અને વિભાગમાંથી 24 પ્રસ્તાવ મળ્યા હતા. રાજ્ય અને કેન્દ્રશાસિત પ્રદેશોમાંથી 16 અને વિવિધ વિભાગના 6 પ્રસ્તાવને 2020ની ગણતંત્ર દિવસની પરેડ માટે મંજૂરી અપાઈ છે.