એટીએસે ગૌરી લંકેશની હત્યાના આરોપીની કસ્ટડી લીધી, નાલા સોપારા હથિયાર જપ્તી મામલાની તપાસ કરશે

મુંબઈની એક અદાલતે પત્રકાર ગૌરી લંકેશની હત્યાના આરોપી ઋષિકેશ દેવડીકરને રિમાન્ડ આપ્યા છે. મહારાષ્ટ્રના આતંકવાદ એન્ટી સ્કવોડની ટીમ તેની તપાસ કરી રહી છે. મહારાષ્ટ્રમાં આતંકવાદ એન્ટી સ્કવોડ 2018ના નાલાસોપારા હથિયાર જપ્તી મામલાની તપાસ કરી રહી છે.

બેંગલુરુમાં 2017માં લંકેશની હત્યાના કથિત માસ્ટરમાઈન્ડ દેવડીકરે ગત મહિને ઝારખંડના ઘનબાદમાંથી ધરપકડ કરવામાં આવી હતી.

એક વરિષ્ઠ અધિકારીએ જણાવ્યું કે, એટીએસે તેમની ધરપકડ કરી હતી અને ગુરુવારે અદાલતમાં રજુ કર્યો હતો.તેમણે કહ્યું કે, અદાલત દ્વારા દેવડીકરને 11 ફેબ્રુઆરી સુધી એટીએસની કસ્ટડીમાં મોકલવામાં આવ્યો છે.

એટીએસે 2018માં મુંબઈ પાસેના નાલાસોપારા અને મહારાષ્ટ્રના કેટલાક સ્થળો પર વિસ્ફોટ સામગ્રી, દેશી બંદૂક અને હથિયાળ જપ્ત કર્યા હતા. જેમાં એક હિન્દુ ચરમપંથી સંગઠનના સભ્યોની ધરપકડ કરવામાં આવી હતી.