બિહારમાં પૂર પ્રભાવિતોની મદદ માટે બૉલીવુડ મેઘાસ્ટાર અમિતાભ બચ્ચને પહેલ કરી છે. તેમણે મુખ્યમંત્રી રાહત ફંડમાં 51 લાખ રૂપિયા સહાય પેટે આપ્યા છે. તેમણે આ રકમ પોતાના પ્રતિનિધિ વિજય નાથ મિશ્ર પાસે મોકલાવી છે. જે બિહારના નાયબ મુખ્યપ્રધાન સુશીલ કુમાર મોદીને આપવામાં આવી છે.
આ સાથે જ બીગ બીએ મુખ્યપ્રધાન નીતીશ કુમારને એક પત્ર લખ્યો છે. જેમાં તેમણે લખ્યું છે, ' બિહારમાં આવેલી કુદરતી આફતથી સ્તબ્ધ છું. આ આફતમાં ફસાયેલા લોકોની સ્થિતિથી દુઃખી છું, પીડિતોની સહાય માટે નાનકડી રકમ મુખ્યમંત્રી રાહત ફંડ માટે મોકલી રહ્યો છું.
આ બાદ બિહારના નાયબ મુખ્યપ્રધાન સુશીલ કુમાર મોદીએ બિહારના નાગરિકો વતી અમિતાભ બચ્ચનનો આભાર વ્યક્ત કર્યો.
આ અગાઉ પણ બિગ બીએ 21 હજાર ખેડૂતોનુ દેવુ ચુકવ્યુ હતુ. ઉપરાંત પુલવામા હુમલામાં દેશ માટે શહીદ થયેલા જવાનોના પરિવાર અને તેમના પત્નીઓને નાણાંકીય સહાય પણ કરવાનો ઉલ્લેખ તેમણે પોતાના બ્લોગમાં કર્યો છે.
