નવી દિલ્હી: ભારતીય હજ કમિટીના મુખ્ય કાર્યકારી અધિકારી મકસુદ અહમદ ખાને બુધવારે કહ્યું હતું કે, કોરોના વાઇરસ રોગચાળાને કારણે આ વર્ષે હજ યાત્રા રદ થયા બાદ તમામ યાત્રાળુઓ દ્વારા ભરવામાં આવેલા નાણાં પરત કરવામાં આવશે.
લઘુમતી બાબતોના પ્રધાન મુખ્તાર અબ્બાસ નકવીએ મંગળવારે કહ્યું હતું કે, કોરોનાને કારણે ભારતના મુસ્લિમો આ વર્ષે હજ 2020 માટે સાઉદી અરેબિયા નહીં જઇ શકે. સાઉદી અરેબિયાની વિનંતી પર આ નિર્ણય લેવામાં આવ્યો છે.
હજ કમિટીના સીઈઓ મકસુદ અહમદ ખાને ઇટીવી ઈન્ડિયાને જણાવ્યું હતું કે, 'અરજદારોના બેન્ક ખાતાઓમાં નાણાં એક મહિનાની અંદર ઑનલાઇન ડીબીટી (ડાયરેક્ટ બેનિફિટ ટ્રાન્સફર) મોડ દ્વારા પરત કરવામાં આવશે અને તેઓએ તેમની યાત્રા રદ કરવા માટે અરજી કરવાની કોઇ જરૂર રહેશે નહીં '.
