નેશનલ ઍવોર્ડ વિજેતા અક્ષય કુમારે પોતાની આવનાર ફિલ્મ લક્ષ્મી બૉમ્બનો લૂક રિલિઝ કર્યો છે. અભિનેતાએ સોશિયલ મીડિયા પર ફોટો શેયર કર્યો હતો. જેમાં તે લક્ષ્મીના પાત્રમાં જોવા મળી રહ્યો છે. આ હૉરર કૉમેડી ફિલ્મ છે. ખેલાડી કુમારના લૂકને તેના ચાહકો ખૂબ પસંદ કરી રહ્યાં છે. તેના આ હટકે લૂકને જોઈને તેના ચાહકો આતુરતાથી આ ફિલ્મની રાહ જોઈ રહ્યાં છે.
આ ફિલ્મ અંગે વાત કરતાં અક્ષય કુમારે જણાવ્યું હતું કે," આ ભૂમિકા તેના પડકારજનક હતી. આ ફિલ્મના પાત્ર માટે તે ઉત્સાહિત હતો, પણ સાથે નર્વસ પણ હતો. પણ કહેવાય છે ને કે, જ્યાં તમારી હદ પૂરી થાય છે, ખરેખર ત્યાંથી જ નવી શરૂઆત થાય છે."
અક્ષય કુમારે ગુરુવારના રોજ ફોટો શેયર કરીને તેણે કેપ્શન લખ્યું હતું કે, નવરાત્રીમાં પોતાની અંદર રહેલી દેવીને પ્રણામ કરીને ઘણી ખુશી થઈ રહી છે. આ પાત્ર ભજવતી વખતે મને ઉત્સાહ હતો. એટલી જ ગભરામણ થતી હતી. પણ આ પાત્ર નિભાવવવો એ મારા માટે પડકાર હતો અને તેને બખૂબી રીતે નિભાવવાનો પ્રયત્ન કર્યો છે.
ઉલ્લેખનીય છે કે, આ ફિલ્મ સુપરહિટ તમિલ ફિલ્મ કંચનાની રિમેક છે. ફિલ્મ સ્ટોરી ડરપોક રાઘવની આસપાસના પહેલું આવરીને બનાવાઈ છે.
