અખિલ ભારતીય વિદ્યાર્થી પરિષદના મહાસચિવ નિધિ ત્રિપાઠીએ પત્રકાર પરિષદ દરમિયાન જણાવ્યું હતું કે, આ વીડિયો છાત્રાલયની બહાર બનાવવામાં આવ્યા હતા. જ્યારે ABVP વિદ્યાર્થી નેતાઓ પર ડાબેરી વિદ્યાર્થી પક્ષના નેતાઓ દ્વારા હુમલો કરવામાં આવ્યો હતો.
આ બધા વીડિયો રો વીડિયો છે અને તે ક્યાંય ફોરવર્ડ કરવામાં આવ્યા નથી. આ તમામ વીડિયો દિલ્હી પોલીસને સોંપવામાં આવશે જેથી JNU હિંસા કેસની નિષ્પક્ષ તપાસ થઈ શકે.
તેમણે ડાબેરી સમર્થિત વિદ્યાર્થી દળ પર આરોપ લગાવ્યો કે, આ વીડિયોમાં સ્પષ્ટ દેખાઈ રહ્યું છે કે, JNU છાત્ર સંઘના પ્રમુખ આઈસી ઘોષ અને જનરલ સેક્રેટરી સતિષચંદ્ર યાદવ હિંસા ભડકાવી રહ્યા છે અને વિદ્યાર્થીઓને ગોતી-ગોતીને માર મારી રહ્યાં છે. તેમ છતાં તેમના પર કોઈ કાર્યવાહી કરવામાં આવી નથી, જે દુર્ભાગ્યપૂર્ણ છે.
