આ બાબતે ટિપનીસે જણાવ્યુ કે, ભારતીય વાયુસેનાએ ઉતકૃષ્ટ કામગીરી દાખવી છે. તેમણે કહ્યુ કે, દેશની નીતિમાં ફેરફાર અને રાજનૈતિક ઇચ્છા શકિત, દિશા અને આત્મવિશ્વાસમાં મોટા ફેરફાર જોવા મળી રહ્યા છે.
ટિપનીસે કહ્યુ કે, પહેલી વખત અમારી કોઇ કાર્યવાહી સક્રિય રહી છે, અને પ્રતિક્રિયાશીલ નથી. હવે અમે કહી શકીએ છીએ કે ભારત કાર્યવાહી કરી શકે છે અને આગળ પણ કરશે. અમે રાષ્ટ્રની સુરક્ષા માટે મજબૂતીથી ઉભા છે.
વધુમાં તેમણે કહ્યું કે, સેનાએ પાકિસ્તાનના સૌથી મોટા આતંકી કેંપમાં ધુસીને આતંકીઓને માર્યા અને સેનાને કોઈ નુકશાન પણ નહી થયુ.
ભારત પાક. વચ્ચેના પરમાણુ યુદ્ધને લઈને ટિપનીસે કહ્યુ કે, પરમાણુ યુદ્ધનો તેમને કોઇ ડર નથી. આ ફક્ત પાકિસ્તાનીઓની આપણને ડરાવવાની એક નીતિ છે. પાકિસ્તાન ભારત પર હુમલો નહી કરી શકે, કારણ કે ભારત હુમલાનો શ્રેષ્ઠ જવાબ આપશે અને ભારત પાસે પરમાણું નિવારણ માટેની નિતી છે.
તેમણે કહ્યુ કે, જો પાક. સર્જિકલ સ્ટ્રાઇક કરવાની કોશિશ કરે છે. તો ભારત એનો એવો જવાબ આપશે કે પાક. ફરીથી સ્ટ્રાઇક કરવા લાયક નહી રહે. અમારી કાર્યવાહી બાદ પાક.માં કોઇ રોવા લાયક પણ નહી રહે. પાકિસ્તાન આ વાત જાણે છે અને માટે જ તે પરમાણુ હુમલો નહી કરે.
તેમણે સેનાને યુદ્ધ માટે તૈયાર રહેવા કહ્યુ છે. તેમણે કહ્યુ કે, અમારી સેના પાસે ઉપકરણ, હથિયાર, ગોળા-દારુગોળો, ડ્રોન્સ, જહાજ તૈયાર હોવા જોઈએ.
પૂર્વ વાયુ સેનાના પ્રમુખે ભાર આપીને કહ્યુ કે, ભારતે રણનીતિ બનાવવાની જરુર છે, ભલેને સત્તામાં કોઇ પણ સરકાર આવે. પાકિસ્તાન ક્યારેય પણ નહી બદલાય અને આવી રીતે આફતો આવતી રહેશે. આપણે સુરક્ષા વધારવા માટે રણનીતિ પર ચાલવુ પડશે.
બાલાકોટમાં ભારતીય વાયુસેનાના હુમલા પર તેમણે કહ્યુ, ગ્વાલિયર બેસને ખાનગી રાખવા માટે પસંદ કરવામાં આવી હતી, જે આ રીતની સ્ટ્રાઇક માટે જરુરી છે. કારગીલ યુદ્ધમાં વાયુસેનાનું નેતૃત્વ કરનારા એયર ચીફ માર્શલ ટિપનીસે કહ્યુ કે, જો બાલાકોટ હુમલા સમયે વાયુસેના પાસે રાફેલ જેટ હોત તો આ લડાઇ સહેલી થઇ જાત. કારણ કે, રાફેલ પાસે રડાર અનુસાર હુમલો કરવાની ક્ષમતા છે. જે મિરાજમાં નથી.
અફસોસ વ્યક્ત કરતા ટિપનીસે કહ્યુ કે, છેલ્લા 17 વર્ષમાં રાજનૈતિક ઇચ્છા શકિત અને અમુક ભુલના કારણે ભારતે ઘણા અવસર ગુમાવ્યા છે.
1958માં અમારી સેનાને સંપૂર્ણ જમ્મુ કાશ્મીરે પાકિસ્તાની સેનાને પાછી મોકલી હતી. જો સરકારે સેનાને પાછુ બોલાવવાનો નિર્ણય લીધો ન હોત તો આજે POK હોત જ નહી.
1965માં પણ સેનાએ કબ્જો કરી લીધો હતો, પરંતુ ત્યારે પણ પાછા બોલાવવામાં આવ્યા હતાં.
1971માં પાકિસ્તાનની સેનાએ આત્મસમર્પણ કર્યુ તેમ છતા આપણે સૌદેબાજી નથી કરી.
તેમણે કહ્યુ કે, આપણી સશસ્ત્ર સેનાને જીત હાંસલ કરવા માટે ઘણા ત્યાગ કર્યા છે. પરંતુ નેતાઓએ ક્યારેય તેનો ઉપયોગ નથી કર્યો.
