નોઇડા (દિલ્હી): સેક્ટર-10માં આવેલી D224 કંપનીના ટોપ ફ્લોર પર અચાનક ધૂમાડાના ગોટે-ગોટા નિકળવા લાગ્યા હતા અને તેના થોડા સમય બાદ આગ દેખાવા લાગી હતી. આગ લાગવાનું કારણ હજી અકબંધ છે. જે જગ્યા પર આગ લાગી તે જગ્યા પર પ્રિન્ટીંગનું કામ કરવામાં આવતું હતું અને તે જગ્યા પર કેમીકલ હોવાની વાત પણ સામે આવી છે. કેમીકલના કારણે સમગ્ર ફ્લોર પર આગ ફેલાઇ હતી.
આગ લાગવાની જાણકારી ફાયર વિભાગને મળતા 6 ગાડીઓ ઘટના સ્થળ પર પહોચી હતી અને મહેનત બાદ આગ પર કાબૂ મેળવવામાં સફળતા મળી હતી. રવિવાર હોવાને કારણે કંપનીમાં કર્મચારીઓની રજા હતી.
જ્યારે ફાયર વિભાગના અધિકારી અરૂણ કુમારે જણાવ્યું કે, આગ પર સંપૂર્ણ કાબૂ મેળવવામાં આવ્યો છે. આગ લાગવાનું કારણ જાણવા નથી મળ્યું પણ શોધખોળ બાદ જાણવા મળશે કે આગ કયા કારણોસર લાગી હતી. જ્યારે આ ઘટનામાં કોઇ જાનહાની થઇ નથી અને આગ કાબૂમાં લઇ લેવામાં આવી છે. સ્થિતિ પર અમારૂ નિયંત્રણ છે.
