પશ્ચિમ બંગાળના બાંકુરામાં 4.1ની તીવ્રતાના ભૂકંપના આંચકા અનુભવાયા

પશ્ચિમ બંગાળના બાંકુરા જિલ્લામાં 4.1ની તીવ્રતાના ભૂકંપના હળવા આંચકા આવ્યા હતા. જો કે, આ ભૂકંપ માત્ર બે સેકેન્ડ જ ચાલ્યો હતો.

પશ્ચિમ બંગાળ: કોલકત્તામાં IMDના એક અધિકારીએ જણાવ્યું હતું કે, બુધવારે પશ્ચિમ બંગાળના બાંકુરા જિલ્લામાં 4.1ની તીવ્રતાના ભૂકંપના હળવા આંચકા આવ્યા હતા.

IMDના અધિકારીએ જણાવ્યું કે, સવારે 11.24 કલાકે ભૂકંપ પૃથ્વીની સપાટીથી 15 કિમીની ઉડાઈ પર ઉત્તર અક્ષાંશના 23.5 અંશ અને રેખાંશ 87.1 ડિગ્રી પૂર્વમાં થયો હતો. આ ભૂકંપ બે સેકન્ડ સુધી ચાલ્યો હતો.

ઉલ્લેખનીય છે કે, મંગળવારે રાજસ્થાનના ઝુનઝુનમાં પણ 3.2ની તીવ્રતાનો ભૂકંપ આવ્યો હતો.