ઝારખંડ : ધનબાદ જિલ્લાના પૂર્વી ટુંડી પોલીસ સ્ટેશન વિસ્તારમાં લટાની નજીક વહેલી સવારે ભયાનક માર્ગ અકસ્માતમાં 5 લોકોનાં મોત નીપજ્યાં છે. જ્યારે ડ્રાઇવર ગંભીર રીતે ઘાયલ થયો હતો. ડ્રાઈવરને વધુ સારવાર માટે ધનબાદ મોકલવામાં આવ્યો છે.
કારે રસ્તા પર પાર્ક કરેલી લોડ ટ્રકને પાછળથી ટક્કર મારી
આ ઘટનામાં હાઇ સ્પીડમાં આવતી કારે રસ્તા પર પાર્ક કરેલી લોડ ટ્રકને પાછળથી ટક્કર મારી હતી. આ અકસ્માતમાં 5 લોકોનાં મોત નીપજ્યાં છે, જ્યારે એક ઘાયલ થયો છે. મૃતકોમાં એક મહિલા, બે બાળકો અને બે પુરુષો છે. બધાં ધનબાદથી જામતાડા જઇ રહ્યા હતા. ગોવિંદપુર-સાહિબગંજ હાઈવે પર પૂર્વી ટુંડી પોલીસ સ્ટેશન વિસ્તારના લટાની ડાયવર્ઝનની આ ઘટના છે.
