રાજસ્થાનના સિરોહીમાં જુગાર રમતા ગુજરાતના 5 જુગારીઓની ધરપકડ

સિરોહી પોલીસને મોટી સફળતા મળી છે. પોલીસે કાર્યવાહી કરતા 5 જુગારીઓની ધરપકડ કરી છે. તેમજ સ્થળ પરથી 93 હજારથી વધુનો મુદ્દામાલ જપ્ત કર્યો છે. ધરપકડ કરાયેલા બધા જુગારીઓ ગુજરાતના છે.

રાજસ્થાન / સિરોહી : જિલ્લામાં આબુરોડ સદર પોલીસને મોટી સફળતા મળી છે. ગુડલક કૉટેજ હોટલમાં જુગાર રમતા 5 આરોપીઓની પોલીસે ધરપકડ કરી છે. ઘટના પરથી અંદાજે 93 હજારથી વધુનો મુદ્દામાલ જપ્ત કરવામાં આવ્યો છે.

માઉન્ટ આબુ પોલીસને બાતમી મળી કે ફરવા આવેલા પર્યટકો હોટલમાં જુગાર રમી રહ્યા છે, જેના પર એસપી પૂજા અવાનાના આદેશ પર એક રુમમાં પોલીસ અધિકારી અચલ સિંહની ટીમે તમામ આરોપીઓની ધરપકડ કરી હતી.

ધરપકડ કરાયેલા બધા જ આરોપીઓ ગુજરાતના મહેસાણા જિલ્લાના રોહિત પટેલ, પ્રકાશ પટેલ, હર્ષદ પટેલ, વિપુલ પટેલ અને રમેશ પટેલની ધરપકડ કરવામાં આવી છે. પોલીસે આરોપીઓની પુછપરછ શરુ કરી છે. ઉલ્લેખનીય છે કે માઉન્ટ આબુ પોલીસ સતત જુગાર વિરુદ્ધ કાર્યવાહી કરી રહી છે.