પોલ્યુલર ફ્રન્ટ ઑફ ઈન્ડિયાથી જોડાયેલા 25 આરોપીઓની વિવિધ ગુના હેઠળ ધરપકડ કરવામાં આવી છે. આ વાતની જાણકારી IG લૉ એન્ડ ઑર્ડર પ્રવીણ કુમારે પત્રકાર પરિષદમાં આપી હતી. તેમણે જણાવ્યું હતું કે, આ ધરપકડ UP પોલીસે CAAના વિરોધમાં થયેલાં હિંસક પ્રદર્શનને ધ્યાનમાં રાખી કરી છે.
UP પોલીસે PFI સાથે જોડાયેલાં લોકોની કરી ધરપકડ
ઉત્તર પ્રદેશ સરકારના પ્રધાન મોહસિન રજાએ આ અંગે પ્રતિક્રિયા આપી હતી. તેમણે કહ્યું હતું કે, સ્ટૂડન્ટ ઈસ્લામિક મૂવમેન્ટ ઑફ ઇન્ડિયા(સિમી) પર પ્રતિબંધ લગાવવામાં આવ્યો હતો. છતાં કેટલાંક લોકો આ વિરોધ પ્રદર્શનમાં સામેલ થયાં હતા. જેમણે PFI નામનું એક નવું સંગઠન તૈયાર કર્યુ હતું. જેમાં કટ્ટરપંથી બનવા ઈચ્છતાં યુવાઓ જોડાયા હતાં.
