અમરનાથ યાત્રામાં ગુજરાતના અને ઝારખંડના 2 શ્રદ્ધાળુંઓના મૃત્યુ

શ્રીનગરઃ અમરનાથ યાત્રામાં બે યાત્રાળુઓ શુક્રવારે મૃત્યુ પામ્યા છે. આ જાણકારી પોલીસ દ્વારા આપવામાં આવી હતી.

પોલીસના જણાવ્યા અનુસાર, ગુજરાતના 65 વર્ષીય શ્રીકાંત દોશી અને ઝારખંડના 55 વર્ષીય શશિ કુમારનું શુક્રવારે યાત્રા દરમિયાન મૃત્યુ થયા છે.

મળતી માહિતી અનુંસાર, "શ્રીકાંત દોશીનું મૃત્યુ પારંપરિક પહલગામ-ગુફા તીર્થ રસ્તા પર શેષનાગ પડાવમાં થયું છે. જ્યારે શશિ કુમારનું યાત્રા બાદ રોકાયા સમયે મૃત્યુ થયું છે. બંને કેસમાં મૃત્યુના કારણોની તપાસ કરવામાં આવી રહી છે."