નવી દિલ્હીઃ કેન્દ્ર સરકારની અગ્નિપથ યોજનાને (agneepath yojana protest) લઈને દેશભરમાં સતત વિરોધ થઈ (bharat bandh today) રહ્યો છે. તેમજ ઘણા રાજ્યોમાં આ પ્રદર્શનો હિંસક પણ જોવા મળ્યા છે. હાલમાં બિહારમાં પ્રદર્શનકારીઓ અને વિદ્યાર્થી સંગઠનો દ્વારા બિહાર બંધના એલાન બાદ ભારત બંધનું એલાન આપવામાં આવ્યું છે. જેને લઈને દેશના તમામ રાજ્યોમાં પ્રશાસને સુરક્ષા વ્યવસ્થા વધારવાના નિર્દેશ આપ્યા છે.
ભારત બંધનું એલાન: દેશભરમાં અગ્નિપથ યોજનાનો વિરોધ (Agnipath Recruitment Scheme) અટકવાનું નામ નથી લઈ રહ્યો. ઘણા રાજ્યોમાં હજારો યુવાનો આ યોજનાનો વિરોધ કરતા જોવા મળે છે. અગ્નિપથ યોજના અંગે રવિવારે ત્રણેય સેનાઓ દ્વારા સંયુક્ત પ્રેસ કોન્ફરન્સ યોજવામાં આવી હતી. જેમાં અગ્નિપથ યોજનાના ફાયદાઓ જણાવવામાં આવ્યા હતા. તો ત્યાં જ હવે વિરોધ કરી રહેલા યુવાનોએ સોમવારે ભારત બંધનું એલાન કર્યું છે.
આ પણ વાંચો: Agnipath scheme protest: અગ્નિદાહ-તોડફોડ કરનારાને આ રીતે પકડવામાં આવશે
પ્રદર્શનકારીઓ સામે કડક કાર્યવાહી: ભારત બંધના એલાનને ધ્યાનમાં રાખીને (Agnipath scheme protest) આરપીએફ અને જીઆરપી હાઈ એલર્ટ પર છે. તેથી, આરપીએફના વરિષ્ઠ અધિકારીઓએ હિંસામાં સામેલ પ્રદર્શનકારીઓ સામે કડક કાર્યવાહી કરવાના આદેશ આપ્યા છે. આદેશમાં સ્પષ્ટપણે કહેવામાં આવ્યું છે કે, હિંસા કરનાર સામે ગંભીર કલમો હેઠળ કાર્યવાહી કરવામાં આવશે. ભારત બંધના એલાન બાદ આરપીએફ અને જીઆરપી અધિકારીઓએ કહ્યું છે કે, દરેક ખૂણે બારીકાઈથી નજર રાખવામાં આવશે. જો કોઈ વિરોધી હિંસા કરશે તો તેની સાથે કડક કાર્યવાહી કરવામાં આવશે. ભારત બંધ દરમિયાન દરેક ગતિવિધિ પર કાળજીપૂર્વક નજર રાખવામાં આવશે. આ સાથે મોબાઈલ, કેમેરા, સીસીટીવી દ્વારા હિંસા કરનાર સામે ડિજિટલ પુરાવા એકત્ર કરવાના આદેશ આપવામાં આવ્યા છે.
અમૃતસર રેલવે સ્ટેશન પર વિશેષ વ્યવસ્થા: ભારત બંધને ધ્યાનમાં રાખીને અમૃતસર રેલવે સ્ટેશન પર સુરક્ષા વ્યવસ્થા કરવામાં આવી છે. આરપીએફ, જીઆરપી અને રેલ્વે ઈન્ટેલિજન્સ કોઈ પણ અસામાજિક તત્ત્વ કોઈપણ પ્રકારની તોડફોડ ન કરી શકે અને કોઈ પણ પ્રકારની સમસ્યા ન સર્જાય તે માટે પ્લાન બનાવીને તેની પર નજર રાખી રહી છે.
બિહારમાં સુરક્ષા દળો તૈનાત: અગ્નિપથ યોજનાના વિરોધમાં કેટલાક સંગઠનો દ્વારા બોલાવવામાં આવેલા ભારત બંધને ધ્યાનમાં રાખીને પટનામાં ડાક બંગલા ચોક પર સુરક્ષા દળો તૈનાત છે.
કોંગ્રેસે જંતર-મંતર ખાતે વિરોધ શરૂ કર્યો: જંતર-મંતર પર કોંગ્રેસનો વિરોધ શરૂ થયો છે. સત્યમેવ જયતે અને સત્યાગ્રહ પ્રદર્શનમાં મલ્લિકાર્જુન ખડગે, સલમાન ખુર્શીદ, રણદીપ સુરજેવાલા, શક્તિ સિંહ, ઈમરાન પ્રતાપગઢી જંતર-મંતર પહોંચ્યા છે.
દિલ્હી-ગુરુગ્રામ બોર્ડર પર જામ: દિલ્હી-ગુરુગ્રામ બોર્ડર પર જામની સ્થિતિ ખરાબ છે. દિલ્હી તરફ જતા વાહનોનું કડક ચેકિંગ હોવાથી જામ થઈ રહ્યો છે.
કોંગ્રેસના નેતાઓ રાષ્ટ્રપતિને મળશે: કોંગ્રેસના નેતા અજય માકને કહ્યું છે કે તેઓ આજે જંતર-મંતર પર સત્યાગ્રહ કરશે. પછી સાંજે અમે રાષ્ટ્રપતિને મળીશું અને વિનંતી કરીશું કે અગ્નિપથ યોજના રદ કરવામાં આવે. કોંગ્રેસને જંતર-મંતર પર વિરોધ પ્રદર્શન કરવાની મંજૂરી મળી ગઈ છે. પરંતુ તેમાં માત્ર એક હજાર લોકો જ ભાગ લઈ શકશે.
જિજ્ઞેશ મેવાણીએ કહ્યું- દાજવા પર મીઠું છાંટવાની યોજના: અગ્નિપથ સ્કીમ પર જીગ્નેશ મેવાણીનું નિવેદન આવ્યું છે. તેમણે કહ્યું કે આ ભારતીય સેનાના મહેનતુ યુવાનો અને જવાનો પર બળતા પર મીઠું છાંટવા જેવું છે, ભાજપ સરકાર જેવો દેશદ્રોહ આજ સુધી કોઈ સરકારે કર્યો નથી.
બંગાળમાં પણ કડક સુરક્ષા: પશ્ચિમ બંગાળમાં અગ્નિપથ યોજના વિરુદ્ધ 'ભારત બંધ'ના એલાનને કારણે હાવડામાં મજબૂત સુરક્ષા વ્યવસ્થા કરવામાં આવી હતી. ડીસીપી ઉત્તર અનુપમ સિંહે કહ્યું કે, દરેક જગ્યાએ પોલીસ તૈનાત છે. અમે કોઈપણ પરિસ્થિતિનો સામનો કરવા તૈયાર છીએ. યુવાનોને વિનંતી કરવામાં આવી છે કે તેઓ કોઈ અનિચ્છનીય બનાવ ન બને.
ભારત બંધને કારણે પંજાબ પોલીસ એલર્ટઃ પંજાબ પોલીસને સૈન્યની ભરતી માટે શરૂ કરવામાં આવેલી નવી અગ્નિપથ યોજના સામે સોમવારે સંભવિત ભારત બંધને ધ્યાનમાં રાખીને એલર્ટ રહેવાની સૂચના આપવામાં આવી છે. આ સાથે પંજાબમાં તમામ મુખ્ય મિલિટરી કોચિંગ ઈન્સ્ટિટ્યૂટની આસપાસ સુરક્ષા વધારવાના નિર્દેશ પણ આપવામાં આવ્યા છે.
હરિયાણામાં કડક સુરક્ષા વ્યવસ્થાઃ હરિયાણામાં સેનાની અગ્નિપથ યોજનાના વિરોધ વચ્ચે ભારત બંધને લઈને સુરક્ષા વ્યવસ્થા કડક કરવામાં આવી છે. જે અંતર્ગત ફરીદાબાદ પોલીસે કાયદો અને વ્યવસ્થાના દૃષ્ટિકોણથી સુરક્ષા વ્યવસ્થાને લગતી તમામ તૈયારીઓ પૂર્ણ કરી લીધી છે. સુરક્ષા વ્યવસ્થા જાળવવા માટે આજે ફરીદાબાદમાં 2 હજારથી વધુ પોલીસકર્મીઓને તૈનાત કરવામાં આવ્યા છે.
આ પણ વાંચો: અગ્નિપથ યોજનાને લઈને કોંગ્રેસ પર વીકે સિંહ ભડક્યા, કહ્યું..
ઝારખંડમાં શાળાઓ બંધ રહેશેઃ મધ્ય ભારતમાં પણ અગ્નિપથ યોજનાના વિરોધની નકારાત્મક અસર જોવા મળી રહી છે. યુવાનો દ્વારા બોલાવવામાં આવેલા ભારત બંધને ધ્યાનમાં રાખીને ઝારખંડમાં સોમવારે તમામ શાળાઓ બંધ રાખવાની સૂચના આપવામાં આવી છે. ઝારખંડના શિક્ષણ અધિકારીએ માહિતી આપી છે કે, વિદ્યાર્થીઓની સુરક્ષાને ધ્યાનમાં રાખીને ઝારખંડની તમામ શાળાઓ સોમવારે બંધ રહેશે.
