નવી દિલ્હી: આમ આદમી પાર્ટીના રાષ્ટ્રીય સંયોજક અને દિલ્હીના મુખ્યપ્રધાન અરવિંદ કેજરીવાલે (Delhi Chief Minister Arvind Kejriwal) ભ્રષ્ટાચારના મામલે સ્વાસ્થ્ય પ્રધાનને બરતરફ કરવા બદલ પંજાબના મુખ્યપ્રધાન સરદાર ભગવંત માનની (Chief Minister Of Punjab Bhagwant Mann) પ્રશંસા કરી છે. AAPના રાષ્ટ્રીય કન્વીનર અરવિંદ કેજરીવાલે કહ્યું કે, તેમની સામે કેસ નોંધ્યા બાદ તેમની ધરપકડ કરવામાં આવી છે. આ સિવાય તેમણે કહ્યું કે, આ મામલે ન તો મીડિયા અને ન તો વિપક્ષને આ ભ્રષ્ટાચારની જાણ હતી. એમ પણ કહ્યું કે, જો ભગવંત માન ઈચ્છતા હોત તો તેઓપ્રધાનને બેસાડી શકતા હતા અને પોતાના માટે હિસ્સો માંગી શકતા હતા. અત્યાર સુધી આમ થતું હતું, તેઓ ઈચ્છે તો મામલો દબાવી શકતા હતા પણ તેણે એવું કર્યું નહિ.
આ પણ વાંચો: 8 વર્ષ પહેલા સાચું સાબિત થયું હતું 'અબ કી બાર મોદી સરકાર'નું સૂત્ર, ભાજપ કરશે વિશેષ ઉજવણી
આખા પંજાબ અને દેશને ભગવાન પર પર ગર્વ છે અરવિંદ કેજરીવાલ : અરવિંદ કેજરીવાલે કહ્યું કે, આખા પંજાબ અને દેશને ભગવાન પર તમારા પર ગર્વ છે. તેમણે કહ્યું કે, વર્ષ 2015માં જ્યારે દિલ્હીમાં અમારી સરકાર બની ત્યારે મેં મારા ખાદ્ય પ્રધાન વિરુદ્ધ પણ કાર્યવાહી કરી હતી. તેના ભ્રષ્ટાચારના પુરાવા મારી પાસે આવ્યા હતા, પછી કોઈને ખબર ન પડી, મેં જાતે જ તેની સામે કાર્યવાહી કરી. આમ આદમી પાર્ટી ઈમાનદાર પાર્ટી છે. જો આપણું પોતાનું પણ કોઈ ચોરી કરે તો અમે તેને છોડીશું નહીં. આ દરમિયાન તેમણે કહ્યું કે, અત્યાર સુધી એવું જોવા મળતું હતું કે તમામ પાર્ટીઓ એકબીજાની વચ્ચે સેટિંગ કરે છે, પોતાના પ્રિયજનોને પકડવાની વાત તો દૂર, એક-બીજાના નેતાઓ સામે પણ કાર્યવાહી નથી કરી. એવું પહેલીવાર થઈ રહ્યું છે કે કોઈ પાર્ટી પોતાના જ લોકોના ભ્રષ્ટાચાર સામે પગલાં લઈ રહી છે.
આ પણ વાંચો: રામના નામે કોંગ્રેસે વિવાદનો મધપૂડો છેડ્યો, હાર્દિક પટેલે શું આપ્યો જડબાતોડ જવાબ
ન તો દગો કરશે અને ન કોઈને કરવા દેશે : મુખ્યપ્રધાન અરવિંદ કેજરીવાલે કહ્યું કે, ભગવંત માનના નિર્ણયથી લોકો ખૂબ જ ખુશ છે, તેઓ વિશ્વાસ નથી કરી શકતા કે કોઈપણ સરકાર આટલી ઈમાનદાર હોઈ શકે છે. ઘણા લોકોની આંખમાં ખુશીના આંસુ હોય છે અને વિરોધ પક્ષને સમજાતું નથી કે શું બોલવું અને કેવી રીતે વિરોધ કરવો. વિપક્ષ કહે છે કે જુઓ, આ લોકોએ સરકાર બન્યાના બે મહિનામાં જ ભ્રષ્ટાચાર શરૂ કરી દીધો. આ તમામ પક્ષો ભ્રષ્ટાચાર કરે છે. પહેલા દિવસથી તેઓ લોકોને લૂંટવાનું શરૂ કરે છે. પરંતુ વિશ્વના ઈતિહાસમાં પહેલીવાર આ પહેલી સરકાર છે, જે તેની જાણ થતાં જ કડક પગલાં લે છે. ભલે ગુનેગાર પોતાનો જ હોય. ભ્રષ્ટાચાર એ દેશ અને ભારત માતાનો ગદ્દાર છે, અમે કંઈપણ સહન કરીશું, પરંતુ ભારત માતા સાથે ગદ્દારી સહન નહીં કરીએ. ગરદન કપાઈ જશે, પણ દેશ સાથે વિશ્વાસઘાત સ્વીકાર્ય નથી. ન તો દગો કરશે અને ન કોઈને કરવા દેશે.
